成街都係菜刀

先祝各位牛年平平安安,長搵長有。

去年由陳冠希淫照案開始,之後一整年都是不合常理的事。三聚氰胺、板男根、輪椅聖火、玉女任撇任娶,大家都唔識如何解釋一連串荒謬的事。

而今年,雖然傳媒越來越無能,但有兩件事,充分反映今年會係充滿菜刀的一年,只要你發膠音,或者發過膠音,都隨時俾人圍劈成一舊舊。

1. 落馬洲車禍事件中,雖然傳媒提都唔提X建聯一干人等,在去年審議醉酒駕駛法例果陣,阻止鄭家富要求延長停牌年期的修訂,但X建聯的作為不少人都知,泛民中人都知,X建聯被抽水抽到乾唔駛講。

2. 黃永竟然用到訃文來對付一位IO(但地政總署的大官無郁過),結果引起成堆IO組成facebook group大反擊,證明依家的人,係唔會啞忍些膠事。一如去年保皇黨在立法會選舉中被玩謝,都係成班網民果句:「口投民建聯,票投社民連。」

做人唔好太硬膠,否則睇嚟呢個牛年都唔慌易過。

發表迴響

你的電子郵件位址並不會被公開。 必要欄位標記為 *