似乎奧巴馬唔對中國客氣得去邊

http://news.bbc.co.uk/2/hi/asia-pacific/7841580.stm

奧巴馬總統的就職演說,講到美國上一代人英勇對抗法西斯主義,同共產主義,兩大人類史上的政治垃圾時,中國中央電視台作賊心虛,立即終止即時傳譯,之後在中央譯本,更是歪曲了奧巴馬的意思,結果當然被英國廣播公司篤爆。對奧巴馬而言,他看到這報導,一定對中國印象大打折扣,請不要忘記,奧巴馬是一位有性格的總統,他對意大利總理貝盧斯科尼的不屑態度,是意大利人相當清楚。

大家請留意一下奧巴馬的政策議程,關於外交的部分
Policy Agenda: Foreign Policy

Seek New Partnerships in Asia: Obama and Biden will forge a more effective framework in Asia that goes beyond bilateral agreements, occasional summits, and ad hoc arrangements, such as the six-party talks on North Korea. They will maintain strong ties with allies like Japan, South Korea and Australia; work to build an infrastructure with countries in East Asia that can promote stability and prosperity; and work to ensure that China plays by international rules.

留意最後果句,work to ensure that China plays by international rules,可圈可點,即係當中國係一個一向不守規矩的壞孩子,奧巴馬唔鍾意中國唔守國際規矩,呢鋪好玩,人地上台第一日,你玩咁嘅嘢,睇嚟奧巴馬的對華政策係對華友善,定對華強硬,唔難估到。

15 thoughts on “似乎奧巴馬唔對中國客氣得去邊

  1. 奧巴馬在就職演說內有以下一句說話﹕
    “To those who cling to power through corruption and deceit and the silencing
    of dissent, know that you are on the wrong side of history; but that we
    will extend a hand if you are willing to unclench your fist.”

    美國國務院國際信息局(IIP)根据演說記錄稿翻譯﹕
    “對于那些依靠腐敗、欺騙、壓制不同意見等手段固守權勢的人,我們提醒你們:
    你們站在了歷史錯誤的一邊;但只要你們放棄壓迫,我們將伸手相助。”

    奧巴馬關注人權問題﹐我覺得這句話可能針對近日北京拘押異見人士的動作﹗

  2. 謝謝hkexpatriate:

    這句很明顯針對北韓同中國兩大惡棍國家,我認為奧巴馬在對華問題態度,比布殊強硬好多,而且方向相當清楚。

    仲有,奧巴馬係一位好想幫非洲國家的總統,但中國經濟企在非洲惡棍政權的一方,睇來好戲連場。

  3. 但現在硬碰的話勝負難料,可能大家攬住一齊死。特別是經濟,美國依賴大陸買國債支持其耗費,大陸亦仍然依賴美國作為消費國,美國太大動作,大陸亦有機會反擊令大家一齊冇運行。如果是單說這方面,殊仔也不是完全沒有政治智慧的。美國國會就當然好少理啦,因為插中國就能在人民心目中加分嘛。

    的確,日後非洲一定是中美的大戰場之一,經濟如是,邦交亦如是。

  4. “奧係外交關係上,應該沿用布殊手法,對中國是一啖沙糖一啖屎。”

    同意,或西方俗稱的的棒子加胡蘿蔔。我曾閱讀加拿大保守派政論家David Warren的文章,他指奧巴馬委任的外交,國防,及經濟大員竟然同麥凱恩會委任的人選的政治立場接近。即是說,不怕得罪講一句,一廂情願以為奧巴馬的外交,國防,及經濟政策會跟布殊的立場會大變的話的人,會很失望。

    不過,美國中間偏左的政治人物一大通病是,說話漂亮,但是沒有backbone去堅持到底,一是齋講,一是未來變臉。遠的不說,近的克林頓當初上任夠講過對中國人權不會客氣,但後來咪又大講中國是建設性夥伴關係的國家,被認為是親華派?所以,我們始終要對奧巴馬"聽其言,觀其行"。

  5. "殊仔也不是完全沒有政治智慧的。。。"

    小弟不怕講,大部份人完全低估了布殊的政治能力,在未來會出現很多對布殊的修正主義評論(即是"翻案風")。奧巴馬會口講否定布殊,然後在做的繼續布殊政策。

  6. 好的讚,不好的彈,以事論事,不需要上綱上線中國甚麼也不好嘛。不過在金權、貪污、腐敗的國度,我們也要伸手幫忙受制的民眾,例如監管政府及官員、山寨皇。希望將來他們會幫助其他人,薪火相傳。

    而且,”中國” 代表甚麼呢?那些良善、守普世價值的中國民眾,不需要對批評對號入座就成了。

  7. Joel 兄:

    其實歐美啲左派有個死穴,就係 conflict-averse;大陸呢啲披住熊貓皮嘅暴龍,同埋其他蛇蟲鼠蟻,見到呢類得把聲嘅無牙老虎就最開心。都唔好講話部分左派有 white-guilt,對住啲爛仔國家下下都縮頭…

    以前紅毛啲工會左派有返咁上下勢力,對住啲第三世界都仲可以玩下保護主義,玉石俱焚都仲得;家陣得返啲 latte liberals,”make love not war”,唔死就奇。

  8. "以前紅毛啲工會左派有返咁上下勢力,對住啲第三世界都仲可以玩下保護主義,玉石俱焚都仲得;家陣得返啲 latte liberals,”make love not war”,唔死就奇。"

    同意。早年的西方工會分子是左派政黨的骨綱。英語系國家的工會通常對正邪是非分得很清楚,係對正宗共產黨不客氣果隻(例如1950年代的澳洲和英國工黨-他們對共產黨的政策放在今時今日嚟睇是右過列根多多聲嘅。問題係現在工會阿頭果班在左派政黨已經無勢,latte liberals(我們紐西蘭叫chardonnay socialists)是典形的知識份子治國,對中國是講dialogue,engagement嘅聲音很大,同埋他們支持社會主義是只係指西方對內而言,對華是大講經濟發展的。

    而家我都係心大心細,一面希望奧巴馬會surprise我們,對華強硬,而且他的外交,國防人選是中間派而不是latte liberals,但是睇事要睇領袖個人,奧某有沒有guts要睇過先知。老實講,過班latte liberals係唔想中共垮台甚至對現在嘅維權派和汪洋之流的中共政治改革派不感興趣,我覺得現在一個可能性是中共大勢已去垮台,latte liberals要救中共回天乏力。

  9. 左派內部失衡,真係幾唔健康;宜家成日最擔心就係,啲西方國家得返班 latte lib/chardonnay socialists (NZ 又真係多人飲 chardonnay,哈) 玩晒,內部想做福利國樂園我無異議(我係經濟左仔,嘿),但慘在對外又一攤爛泥咁三不管縱虎行兇(eg. 俄國佬靠天然氣玩嘢、回教移民無限湧入、對大陸開口埋口 “engagement”),第日衰起上嚟畀人走上門咬到血肉模糊就真係前世唔收 。無咗工會左派呢種左得嚟有啲保守嘅防衛制衡,班唔知「地球時很危險的」嘅大同博愛學院左派真係十足十春雞一竇,隨時畀人咬死。

    美國嗰邊,我睇 Susan Rice 應該係外交政策嘅 keyman。呢位主打第三世界嘅大姐,牙力大到谷到聯合國大使個位上 cabinet level,擺到明就係想搞下 multilateral 嗰套;但睇下往績,佢對啲非洲流氓國家又唔係好相與,好難估佢會點玩。此外就要睇 Samantha Powers 響檯底發功可以去到咩程度…呢位就真係正宗 peacenik,夾埋國務院班「高槓桿齋 talk realists」,發到功嘅話就死過臘肉。至於克太,outsider 一個,反而未必有咩牙力…

  10. 上個 comment 打錯字:
    (1) 應該係「地球是很危險的」;
    (2) Samantha Power,個姓打多咗個 s。

  11. 哈,Perennial_Loser兄,我們要買定花生食啦。一旦中國無預警出事,好似Martin經常話齋,歐盟被逼要出兵保護香港英籍及澳門葡籍人士的話,到時奧巴馬政府內部一定會嚟一個大罵戰:支持多國行動的realists及multilateralists要美國一齊晌應出兵,然後大學的peacenik及orientalists學者及政府嘅peacenik又會指責歐盟係帝國主義,侵略中國。你知啦,而家歐盟係一路慢慢向右傾緊,而且歐洲的左派教授固然係左,但係一路都冇美國Ivy League,Berkeley,或Dartmouth嘅左佬左得咁猖狂嘅,現在美國Ivy League嘅教授對歐盟成員國的現任領袖們已經唔順超好耐,萬一歐盟出面要出兵中國,哈哈哈。

發表迴響

你的電子郵件位址並不會被公開。 必要欄位標記為 *