議員們都仲係有腦

今天去完停車熄匙的立法會Panel會議,議員們很明顯比邱騰華呢條硬膠開放同有腦,當邱騰華條膠人,講嚟講去都講唔到點解唔可以接受多倫多市在停車熄匙提供溫度豁免果陣。立法會幾位議員,包括曾經被我公開剷鑊甘的劉健儀、何秀蘭、梁美芬等,立場上都支持小弟提出的豁免建議。劉健儀更是明確認為多倫多市的廿七度豁免建議是非常合理,何秀蘭和梁美芬,亦都認為健康理由豁免、天氣豁免應該加入其中。

就算係大家恥笑的陳克勤,今日他提出的機件問題論點係有Sense。

這幾名議員都是曾經被小弟修理過,但他們都是講理性,講道理,至少在停車熄匙問題上,他們的看法,都遠比邱騰華條膠人正確。邱騰華這次應該睇到民意在邊一面。唔好以為夠膽提停車熄匙,唔敢提立例規管三千cc以上私家車進入港島的伍婉婷,果啲膠人至叫代表民意。

雖然我無目擊今日答問大會,但社民連今日玩特首玩得好精彩,果條汽球蕉我高度建議大家去買,鼓勵社民連下次玩膠玩得再好笑啲。雖然陳偉業唔在個位,但條蕉仍在,呢個效果好正。

發表迴響

你的電子郵件位址並不會被公開。 必要欄位標記為 *