三條隧道都飽晒,仲講乜叉TIS

我發現IT膠人譚偉豪,為咗幫支持佢果班IT Sales佬爭取政府合約,已經去到腦殘的地步。今日IT膠人在《信報》發表偉論,要求政府搞TIS去將三條海隧交通平均化。

IT膠人在提出智能交通系統的偉論前,首先要留意三件事:

1. 政府有沒有可能將三條海隧都國有化,藉此達致三條海隧免費或收費劃一的結果。

2. 三條隧道容量在平均化後,飽了沒有?

3. 三條隧道之間的接駁交通是流暢

上述三大問題不解決,一切免談,只是硬膠。

林忌:三條海隧早已飽和

林忌一早講過n世,三條海隧流量平均分佈後,容量就已經達到設計上限,即係乜智能交通系統都唔會解決到問題,既然係咁,點解政府依家要出三十幾億去搞TIS或ITS?

仲有,香港政制官商勾結成咁,等到譚偉豪落台果日,三條海隧都會被港通、中信泰富呢班紅色大肥貓把持,西隧繼續收天價,乜可以平均到交通咩。

此外,依家中環灣仔繞道都未建成,林士街天橋近IFC樽頸位不解決,點分配車流,分條毛呀?

譚偉豪呢啲簡直係功能組別代表的惡劣示範,為咗佢班廢柴支持搏合約,乜硬膠屎橋都講得出,當全世界係傻嘅。香港納稅人的錢,係唔會救濟譚生的硬膠盟友,叫佢早抖吧。

One thought on “三條隧道都飽晒,仲講乜叉TIS

  1. 我諗個邏輯係佢有冇邊d vendor 特別 friend 先? 如果佢真係咁 vendor–neutral 都唔可以入佢幫 IT Sales 佬做野 (當然以佢智商我好懷疑).

    如果單純畀 IT 界做多 d 生意相對黎講係小問題, 更大的問題係邊個 vendor 同佢咁 friend, 而第時分分內定會得到張 contract.

    IT達人對 ITS 熟識程度本身已經好低, 單野我相信有 vendor 畀料佢多d

發表迴響

你的電子郵件位址並不會被公開。 必要欄位標記為 *