政府總部的垃圾飯堂

講起奧巴馬親民,就諗起當年在政府總部西座返工的經歷。

當中環午飯時間,周圍迫到阿媽都唔認得果陣,有一間餐廳仍然缺人問津,那就是中環政府總部內的飯堂,這間飯堂食物質素之爛可謂數一數二,吃過幾次午飯同下午茶就怕怕,話雖價錢頗平。

而大部分時間,這飯堂都是門堪羅雀,除了食物質素爛,政府總部一眾政治動物不想去食外,另一方面,自老董不准小民隨便出入政府總部後,做不了街外客,沒有街外客的支持,試問誰會有心把餐廳做好?

查實政府總部飯堂如果可以讓民眾自由出入,本來就是政府最好得知民情的地方,街外人如何在午膳時間粗口橫飛,就是最真實的民意。但老董上台以來,政府立心就要做一道牆,不聽民眾蠻幹到底,試問怎不會誰當特首都是一副膠模樣。

正如以往學校附近的差館飯堂,本來是保護學童最好的地方,現時政府封閉的態度,已經沒有這歌仔唱。

4 thoughts on “政府總部的垃圾飯堂

  1. 令我想起在二十幾年前銅鑼灣裁判署(即天后地鐵站上蓋)未拆時﹐曾經到過頂樓的飯
    堂﹐好多學生、警察以及附近地盤工人幫襯﹗

  2. 我認為政府總部唔准閒雜人等進入係情有可源。喺911事件發生之後,呢d保安措施都係必須的,如果政府總部隨便開放比人入的話,唔驚恐怖份子就奇(當然,呢種情況喺香港發生嘅可能性比較低)。況且,開放飯堂收集民意成效非常有限,一來正如博主所講,間飯堂本來就無乜政府職員肯用,二來政府唔係欠缺收集民意嘅渠道,而係唔肯聽取意見姐。如果政府真係有心聽取民意,了解市民嘅生活的話,相信班高官會主動走去普羅大眾食野嘅地方同佢地撐抬腳。

  3. Re: mileycyrus1992
    用911作理由加強保安,世界各國皆然,但係正如Bruce Schneier所講,做出來的,都是防止movie plot attack居多,真正恐怖分子無防到之餘,更加係妨礙良民。其實諗野班友仔根本就無恐怖分子的思維,所以只係一廂情願想像恐怖分子會咁咁咁。早排睇長毛問保安局羅湖伺服器保安問題,個官就只係話放心啦,保安級數同總部一樣架~~~長毛問多兩問就發現佢講的原來只係數據加密方面。將加密當成保安的全部,簡直笑死人。班官諗野的質素有幾高可見一斑。

  4. To mileycyrus1992

    作為曾在政府總部西座返工的人(鄭經翰做議員果陣的政策顧問),我咁講,政府總部西座真係唔需要點保安,因為係立法會議員辦事處,飯堂、牙醫等等。相反,以往仲開放果陣,係半山居民出入中環其中一條捷徑,本來有減輕塞車的功效。只不過老董驚示威者驚到想死,有擦鞋AO張琼瑤諗出在政府總部加閘口呢條屎橋,張琼瑤呢個八婆咪係泰國撤僑事件一鑊泡元凶。

    真係要保安,係政府總部中座。

發表迴響

你的電子郵件位址並不會被公開。 必要欄位標記為 *