多得娛記唔少

推了《三週》、《忽週》、《東地》、《豪語錄》也推了幾次。藝人做了一個訪問,不會因此紅了。不是信不過,根本我看不出有個中間位,讓大家都舒服,娛樂雜誌的目的是男女關係、名利,我們不能滿足他們,他們也不是我們想要的講說話平台,無謂勉強。
-今期《壹週刊》Book A,《謝安琪背後的維園阿伯周博賢》

老實講,我唔識謝安琪,不過以我對傳媒的了解,我絕對明白點解《東方新地》會唱衰謝安琪係醜女大翻身,或者《壹週刊》Book B會寫謝安琪係白鴿眼,因為佢經理人兼監製周博賢得罪娛樂記者。

小弟做傳媒咁耐,做到記者唔多想做的原因,係傳媒記者本身都急劇腐敗,特別係娛記。唔係個個娛樂版阿頭都係堅哥(葉一堅)會挺起腰板做人,好多娛樂記者係黐有錢人,或黐有權勢的人好厲害,而唔同佢地合作,唔當佢地係皇帝,有乜下場大家都估得到。而周博賢夠薑同呢班娛記死過,好嘢。

除咗娛記,過往我喺《信報》專欄都剷到班電腦記者七彩,近年有啲政治記者一樣好有問題,有啲記者如果自己有政治立場,好心唔好摻埋入報導裡面。呢類傳媒失德的事多不勝數,謝安琪只不過係其中一個受害者。好彩周博賢本身有政治背景,佢老人家係幫公民黨作黨歌,又喺港台《頭條新聞》講政治,變了他可以用Book A的專訪回敬Book B班茂利。

香港娛樂圈咁腐敗,有時一樣多得班娛記唔少。

3 thoughts on “多得娛記唔少

  1. To 石先生

    我儘快由Wiser搵番篇文

    To echykr

    LMF冚家拎雖然粗口橫飛,但講得極應,所以我好鍾意LMF。現場版無咗中間果段獨白,果段粗口獨白絕對係首歌的精髓。

    To 其他讀者

    如果接受唔到LMF的粗口論述,可以參考繆美詩專欄中關於傳媒的文章

    http://msrachelmiu.blogspot.com/search/label/傳媒

發表迴響

你的電子郵件位址並不會被公開。 必要欄位標記為 *