炸偶像會炸出一堆膠人

以下是我初進SCMP.com時,當然《PC Home》網站部仍未與雜誌方面合併運作時,網站部同事遇到一件極為棘手的罵戰。

「一碟激起千層浪 

文 : 編輯

筆 者 按 : 上 星 期 本 網 站 自 由 撰 稿 人 Manfred 寫 了 一 篇 關 於 王 菲 新 碟 「 寓 言 」 的 樂 評 , 不 料 惹 來 讀 者 一 片 謾 罵 之 聲 ( 詳 情 見 「 寓 言 」 樂 評 及 讀 者 回 應 ) 。 本 網 站 編 輯 部 一 向 鼓 勵 讀 者 參 與 言 論 , 但 此 次 的 讀 者 意 見 已 超 出 理 性 , 大 有 失 控 之 勢 , 是 以 本 責 任 編 輯 特 在 此 代 表 編 輯 部 申 明 立 場 。

作 為 Pchome 的 編 輯 , 我 伸 出 兩 隻 手 掌 不 是 表 示 不 予 置 評 , 而 是 表 示 失 望 而 無 可 奈 何 。

首 先 我 要 代 表 「 娛 樂 炸 彈 」 感 謝 各 位 的 支 持 , 也 歡 迎 各 位 繼 續 對 各 欄 目 文 章 發 表 看 法 或 提 出 建 議 。 但 是 , Manfred 的 樂 評 出 街 無 幾 日 , 而 截 止 我 給 各 位 寫 這 封 信 時 , 已 有 33 枚 砲 彈 齊 轟 Manfred , 其 中 不 乏 極 端 情 緒 化 者 , 更 有 人 粗 口 頻 頻 , 因 此 , 我 覺 得 我 不 能 不 出 來 講 幾 句 公 道 話 了 。」

當然仍叫《星期五娛樂炸彈》(後來不是星期五出街,以及channelhome併入scmp.com內,就叫《南華早報網站娛樂炸彈》),Manfred狂踩王菲隻新碟,因為當時娛樂炸彈的運作模式與博客一樣,容許公眾留comment,結果呢,被人圍插到抽筋,不要忘記,當然仍然有很多56K黨,六十多條回應對編輯而言已經嚇到而撤尿。後來小弟成為《南華早報網站娛樂炸彈》最後一位專欄作者(我做時,專欄另一個名字是《南華早報招職直擊直Click》),亦曾經被人幾十條comment圍抽,非常精彩。

早在2000年都知,炸樂迷會炸出大量膠人出來,簡稱「廣播道fans殺人事件」。

時至今日,大家看袁彌明只是小小回應,引出的回應量:

袁彌明:i’m just a 小歌迷, expressing my view

179條comments,未計不計其數未出街的粗口comments,Oh My God!估不到2000年有這麼一堆又膠又刁的刁民,九年後的今年都有一大堆膠人。如果我現在仍在《南華早報網站娛樂炸彈》或《南華早報招職》寫專欄,恐怕我一早變了馬蜂窩。

事隔九年,連電台行政都做過,我要重申一次,頒獎禮只係笑話嚟,袁彌明只不過認為楊千嬅不值個獎,都居然引出這麼多導彈的話,我只可以講,呢些人實在白白浪費了一些地球資源。為咗個笑話,連粗口都出埋嚟,只可以講,炸偶像確實會炸出一堆膠人,有效過魚炮。

4 thoughts on “炸偶像會炸出一堆膠人

  1. 講真,我自己真係好唔鍾意容祖兒,睇見三色台呢次咁玩嘢法真係好心涼。當然,楊千fa 今年繼續撻皮都係事實,所以咁搞法是非就一定有0架喇。

    不過呢,三色台個獎唔畀容祖兒又唔畀謝安琪,我自己好明白點解:
    (1) 根據容祖兒早三幾年前響商台頒獎禮嘅表現,試下畀佢破梅艷芳個紀錄吖,肯定當正自己係香港絕代歌后,囂到爆兼乞晒啲老餅 (eg. 我媽) 憎;

    (2) 同理,某公司壟斷得太勁,三色台好易畀人威脅;

    (3) 容祖兒 08 年都唔紅得去邊,開始有頹勢,甚至連網上啲 forum 都多咗好多唔妥佢嘅 noise,唔畀個頭獎佢都唔係冇道理;

    (4) 謝安琪 08 係大紅,但三色台最唔想就係太快畀頭獎啲好新嘅人,以免一紅即囂 (雖然以我所知佢都唔似係會囂嗰類);

    (5) 以近日風聲同 forum 言論估計,何韻詩頗為唔妥謝安琪上位快,同佢好老友嘅容祖兒亦一樣,所以如果大獎畀謝安琪嘅話佢好易畀人兩面包抄 (何容 fans 夾擊)。以新人嚟講,根基未實就要咁樣大打輿論戰會好傷 (即使有文化人+ blog 友撐都好難捱);

    (6) 楊千fa 係一線之中資歷最老,打輿論戰都可以拎資歷頂下,比較捱得;

    (7) 楊千fa 都唔似會再創高峰,年紀又唔細,當係最後一次賣個人情過佢,以後少個人爭獎少啲嘢煩,佢本人又心甘命抵。

    呢啲嘢,真係好鬼複雜,三色台都要打掂自己個算盤先得;左計右計,就有咁嘅騎呢安排。有人鬧就預咗,鬧得一排就會冇事0架喇;始終娛樂圈嘅嘢,「新屎坑三日香」,好快就會過氣 (你見呢幾日報紙都冇點再提就知),唔使煩~

  2. 前一排三色台個旅遊環保節目,有謝份做主持,遲
    o下都應該會捧佢喇。講掂數就得。

  3. To Perennial Loser:
    容祖兒應該早日收檔,唱Live唱到咁的屎款。

    謝安琪係唔會囂果類,大家諗吓她係點殺出重圍至得。反而係謝安琪代表對娛樂界傳統霸權的挑戰,呢個正係成班友要圍剿她的原因,特別娛樂記者。

    當然,無線頒乜獎都係笑話,同新城果個屠房獎係一樣。 XD

    To hello:

    三色台搵謝安琪,屬於迫於無奈多一些。謝安琪的經理人兼監製公民黨色彩如此濃厚(周博賢是公民黨黨歌創作人),在娛樂界幾乎人人親共的情況下,可以殺出重圍,堪屬奇跡。

發表迴響

你的電子郵件位址並不會被公開。 必要欄位標記為 *