大鑊臨頭?

自iPhone用得番3G後,我又恢復在手機睇PCCW BNC新聞,因為論新聞批判性,PCCW明顯好過免費頻道。

好似今日報任志剛出席一個中華廠商聯合會座談會咁,以下PCCW報導值得留意:

保八失敗或引發資金流走
港元匯價扭轉持續多月的強勢,兌美元顯著下跌。金管局總裁任志剛出席一個研討會時指,銀行體系資金雖然高達1750億元,但這些資金對內地經濟前景敏感,一旦保八失敗,資金便會流走。但他強調,目前對保八有信心,因此資金流走的可能性暫時不大。

我睇法同任老總相反,上月港匯出現的異常強勢,事實上係代表投資者已經認為保八失敗,陸續由中國撤出的資金,香港只不過係中途站,一但時機成熟就會走為上著。

而且任志剛唔會無神神提到保八失敗呢個問題,後面果個強調,係安撫班土共,事實上,任總話俾大家聽,一場大風暴有機會嚟,依家在馬尼拉成千公里遠,但有可能嚟到香港。

大家明任總意思未?

發表迴響

你的電子郵件位址並不會被公開。 必要欄位標記為 *