乜嘢叫家居暴力?

小弟認識一位高人,平日樣貌慈祥如佛,要嘛不出聲,一出聲就一定中,中就係中。講到《家庭暴力條例》同《家居暴力條例》分別,呢位高人有咁的見解:

準確嚟講,家居暴力,即係一切發生喺屋嘅暴力事件,所以呢,《家庭暴力條例》改名做《家居暴力條例》呢,應該加以下條文:

1. 喺屋企擲爛部XBox,家居毀壞,拉得。
2. 喺屋企虐待自己隻貓,家居對動物施以暴力,都拉得。
3. 喺屋企劏活雞還神,殺雞仲唔係暴力,拉得。
4. 喺屋企睇暴力片,都係家居暴力,都拉得。

係囉,膠人立膠law,呢棚大帝為咗雞毛蒜皮定義,拗餐死,結果拗出啲乜,我都想知。

延伸閱讀:
林忌:家庭暴力之超低能勁搞笑

發表迴響

你的電子郵件位址並不會被公開。 必要欄位標記為 *