樂壇頒獎禮,當笑話嚟睇算吧

自從離開商台之後,我對樂壇頒獎禮當笑話嚟睇。

曾幾何時,我都以為商台的榜是比較公正。事實上,表面公正功夫做得頗足,在商台擔任研究員時,在2003年12月,商台上上下下,包括行政人員都要統計各台歌曲播放紀錄。商台確有派專人去聽錄音,做紀錄的。

不過,後來我知道商台的派歌機制,就完全認為這只是一盤混帳。如果你作了首好歌,想派到商台去播,就算你解決所有版權等問題,如果沒有唱片公司撐腰,可能性都是零,因為商台決定播歌清單,同頻率果個係音樂總監,而音樂總監不受節目總監節制,事實上商台上下大小事都係俞琤一人說了算。只不過因為商台的排行榜,某程度有新城和香港電台播放率這兩項不受商台控制的變數,看來公正少少,但仍然都是不能反映樂迷的看法。

有種香港唱片界就開放iTunes download,由Apple Computer整個iTunes Music Chart,果個就叫有公信力的流行榜,香港唱片界班膠人就係要繼續腐敗落去,直至整個界別沉淪為止。

所以唔好奇怪容祖兒拎到銀獎,方大同拎到金獎,這就是商台。2000年有人叫俞琤收皮,去到2005年封咪事件後,俞小姐不敢再上台訓話,試問商台何來道德正當性去讓她在頒獎台上發表偉論。今天香港樂壇淪亡,商台一樣要負上相當大的責任。

(至於新城的勁爆頒獎禮,擺明豬肉獎,膠都費時俾)

6 thoughts on “樂壇頒獎禮,當笑話嚟睇算吧

  1. 除咗少數節目,大部分主持要跟一份由音樂總監訂出的playing list播,你只能在playing list裡面挑歌播,咁你話呢個係唔係上頭order?

  2. 唔好話 iTunes 來唔到香港,唱片界根本就唔敢開放。你睇台灣就算無 iTunes 都有個 KKBOX,KKOBOX 唔算係咩新野,但起碼相對於香港所謂的音樂下載網站,真係方便好多,技術含量多好多,同埋唱片公司的合作態度明顯唔同,幫忙好多。唉!香港。唉!

  3. 想問問 martin
    你聽到勁歌金曲D 歌,會唔會覺得好梗耳? 又會唔會有轉台既衝動?
    我而家係美國讀書…..放假去了親戚屋企,
    佢買了無線係美國既頻道,成日播埋晒D 咁既歌
    (我唔係話首首歌都係垃圾,不過, 點都有 70% 係好難入耳掛)

  4. To michigan 8 mile road:

    我根本唔睇勁歌金曲,在2008年出的香港歌手大碟中,係得陳奕迅的《不想放手》可以入到我個iTunes database,因為其他歌,真係有七成甚至八成垃圾到不堪。

  5. 容祖兒拿這次是拿金獎, 謝安琪是拿銀獎,王宛芝拿銅獎。

    說實話,商台這個頒獎禮,從來都沒有一次是真正的公正過,即使是以前或者現在。因為所說的播放率,都是可以人為操控。

    要公正,還是以「金錢」投票罷,邊個賣碟最勁,才能說是最佳罷。

發表迴響

你的電子郵件位址並不會被公開。 必要欄位標記為 *