反高潮?

倪震宣布與周慧敏申請結婚 (14:54)
2008年12月18日

早前被傳媒揭發在酒吧「偷食」的倪震今日突然發表聲明,宣布已跟周慧敏申請註冊結婚。

倪震的聲明全文:

「動搖過,才懂得堅定;失去過,才學會珍惜。一場風波,令我們更了解互相的愛;四方壓力,使我們更體會到彼此的不可分割。試煉,成就了信心。慧敏答應嫁給我了,我們已申請註冊結婚。祝福我們吧。」

好多人或許會O嘴,咁都得,但我完全不意外,因為身邊類似的案例太多,很多時因偷食或第三者而分手,一旦翻啅就係宣布復合都唔駛,直情宣布結婚。

很多時,點解一男一女會結婚,唔係個男仔特別好,或女仔特別好,而係雙方在心理、感情,或生活很多方面的相互依存關係,平日唔覺,但一旦出大事就會好覺,因為男女之間的默契係要長時間建立,特別在好多生活細節上,所以佢地結婚,正常到爆。特別倪震同周慧敏一齊都十幾年,大家都四十幾歲,要割斷咁嘅關係,玩咩?

不過花生仲會有得繼續食,中國女人唔好惹,張茆會有乜反應,至係關鍵,睇嚟想倪震呢兩個字在報紙版面上人間蒸發,都係要等一段時間。

後話:我知好多人一定好扯火,不過呢,現實生活中,呢類爛劇目好多。

3 thoughts on “反高潮?

發表迴響

你的電子郵件位址並不會被公開。 必要欄位標記為 *