旺角恐襲

恐怖襲擊總在沒有意料到的時間發生,今天旺角近星際城市,有兩樽腐蝕性液體從天而降,導致四十六人受傷。

一般的癲佬,係做唔出呢種行為,一般級別的癲佬至少唔會在最旺的地區,作出這樣的襲擊。而且這樣襲擊要脫逃非常容易,因為咁多人受傷,現場一定有大量圍觀者,到時行凶者要走甩就神不知鬼不覺。至少警方要睇晒各大廈的閉路電視錄影帶,至知道可能疑凶。

呢次好彩腐蝕性液體唔夠多,但明顯係一個訊號,呢鋪兩樽鏹水都可以玩到咁,下鋪無人知想玩乜。而且話俾恐怖分子聽,香港玩嘢好容易。如果警察呢幾日交唔到功課,或者亂交功課亂拉人,呢類公然挑戰治安的膠事只會陸續有來。

2 thoughts on “旺角恐襲

  1. 前排旺角都有磚頭落街。
    其實成日都有。
    見怪不怪。
    特別係呢條街,直頭最方便搞野。
    連電影都有拍過有關的事情作橋段。

發表迴響

你的電子郵件位址並不會被公開。 必要欄位標記為 *