座談會搞成咁,無眼睇

雖然小弟近日訓得勁少,公務繁忙(搞到遲到不好意思),但仍然出席校友評議會常務委員會搞的校友座談會(雖然我係唔同意)。

不過,我作為常委,我係唔滿意個座談會:

1. 點解其中一位主持人係張志剛,我完全唔知張志剛來做主持喎,大家都知張志剛的名有幾「香」。如果我事前知道有人請張志剛做主持,我係一定反對。

2. 張志剛計時簡直可以用自由心證來形容,日本校友會代表狂插校方,原本可以講八分鐘,但張志剛五分鐘就叫人收聲,如果唔係莊耀洸計住,仲唔俾張志剛條友脫逃。

3. 我在談及劉校長的傲慢態度時,張志剛多次意圖制止小弟的發言,我上周校友日正是想約劉校長談烽火台,但劉校長的態度正是校友不信任的關鍵,點解唔俾小弟講。但葉國洪的擦鞋言論,如果唔係我抗議又俾佢講,張志剛的雙重標準果然好一貫。

4. 中大校方照樣搵程伯中副校長做醜人,劉遵義繼續拒絕面見群眾。劉校長始終不道歉,不面對群眾,咁嘅座談會我幾大意義我係始終有保留。

5. 有部分校友認為稱呼劉遵義做膠樽義係人身攻擊,吓,咁都叫人身攻擊,法國人連薩爾科齊都玩喇,我被人改粗口花名添,So What?

不過小弟認為講得比較好的海外校友,係前中大保安組主管,亦係前港英政府政治部警員馬金順(《政治部回憶錄》的作者),依家確係時勢不同,我再講一次,劉遵義再唔改進,請佢自己回收自己。

仲有一件事,由於崇基門的不快回憶,我係不信任校方。日後烽火台毀了,多多法律行動都無用。正如劉錫明被人叫咗毒瘤明十幾年,就算今日倪震肯道歉,有些事過了去,是不能挽回。

One thought on “座談會搞成咁,無眼睇

發表迴響

你的電子郵件位址並不會被公開。 必要欄位標記為 *