王維基變法

小弟果然沒看錯王維基,他以迅雷不及掩耳的速度,將新聞部的關偉和梁家榮兩人請出新聞部。

梁家榮不是他工作表現問題,而是他妻子梁胡雪姬與李澤楷關係太密切,如果王維基與李澤楷,最後要在DVB-H戰場決一死戰的話,梁家榮很難留下。至於關偉,亞記新聞部近幾年的表現,大家會認為王維基收貨嗎?

這次王維基是對兩個他熟悉環節下手,新聞部他是知怎搞的,iChannel怎搞他是知的,王維基是經常與iChannel的人直接開會,全無老闆架子,新聞界一直擅玩權術的傢伙,可以暪到其他老闆,但王維基休想,他有他對新聞的看法。

至於工程部,我相信由香港寬頻派隊精銳部隊入來進駐,都會比亞記有效率,王維基本身都是工程師。

似乎好戲陸續有來,古有王安石變法,今有王維基變法,好看好看。

13 thoughts on “王維基變法

  1. 梁家榮, 對他印象實在不差, 只差他出現的地方不對…

    [行外/局外人看法]
    沒有了關偉, 很大機會上的是譚衛兒… 我看只是換湯不換藥吧? 難道王維基會找另一個人? 有趣…

    [P.S. 看胡雪姬寫的東西, 對此人印象實在麻麻…]

  2. 我始終就係冇信心, 香港寬頻新聞部水準飄忽, 一陣間淡化六四七一, 一陣間把泛民的撐傘行動當作頭條新聞, 資源短絀, 節目包裝老土, 錯誤連連, 你同王維基共事過對佢有信心, 我作為觀眾就真係擔心, 王維基介入新聞運作太深其實未必係好

    試驗? 都要睇得落至得架!

  3. 同埋我假如係亞視記者都會擔心王維基鼓勵創意, 但係大閂水喉, 到時要一面採訪一面攝影就真係做死(雖然多媒體年代下呢樣野勢在必行

  4. 我對香港寬頻新聞部了解比較少,但HKBN與iChannel不同是,iChannel很大程度上是主菜(所以當時有兩件實驗品),但HKBN不是,我相信王維基最初搞BBTV目的,只是提高平均每條入屋線路的收入,與iChannel的雄心,或現在進軍DVB-H的想法不同。

    至於譚衛兒能否坐正,我覺得機會未必好大,更何況亞視新聞部內都有曾經在iChannel或HKBN工作的人。

  5. 另一方面, 邊個擔保亞視一定有DVB-H 牌? 其實DVB-H 牌係應該公開競投, 到時亞視有本錢投嗎? 還是甘冒天下之大不諱與tvb公然分贓?

  6. 我在iChannel時做過一面採訪,一面拍照呢類一腳踢的事,我可以在選舉新聞中心,即刻影住陳克勤被人噓然後upload上Youtube,呢些功架咪在CTI果陣練返嚟,但HKBN未有呢類情況住。

  7. To Jacky:

    我贊成DVB-H牌公開競投,但照現有香港硬膠廣播政策,好大機會好似處理Digital TV咁,係咁分俾現有的broadcaster,否則雄濤廣播點解連AM牌都要,因為呢個政府根本係一個膠政府。

    當然,我相信PCCW, Hutchsion 3等,會反對將DVB-H交給現有broadcaster。

  8. 其實HKBN早期的確係ONE-MAN BAND, 當然漸漸都發覺並非完全可行

    雖然你都講出炒梁家榮的理據, 問題係作為觀眾, 我未必完全同意梁家榮的表現, 但佢畢竟尚算可以一用, 現階段自會懷疑王維基搞好亞視的誠意

  9. Honestly I do not think the CCP-HK govt will adopt the EU standard DVB-H due to political correctness reasons. They will adopt the standard developed in mainland China instead.

    This govt just wants to disconnect Hong Kong and the UK.

  10. 如果因為胡雪姬而炒梁家榮,咁有點小人之心。
    但從輿論看,左中右,都對這次走人是有懷疑。

    始終一朝天子,一朝臣。

  11. 嘩, 如果今日星期三生果報有關新聞部的報導屬實, 可能真係要勸止下王維基了……

  12. To Jacky:

    如果屬實,不用勸止,我同意王維基的看法。

    亞視內那些器材落後程度,我可以用不知所謂來形容,現時什麼年代了?

發表迴響

你的電子郵件位址並不會被公開。 必要欄位標記為 *