點解唔可以喺番藍田站轉車

有時覺得,香港嘅公共政策偏幫地產商,去到一個硬膠嘅程度。

好似港鐵觀塘線,原先好好的觀塘線直接過海,去到鰂魚涌、北角才轉車,為了遷就地產商,本來將軍澳線已經好膠,依家仲要將軍澳線就可以唔轉車過海,但東九龍居民要喺油塘轉一次車,然後至過海。

我唔知呢啲係乜道理,如果兩鐵合併可以有效益,咁將觀塘線同將軍澳線重組合併都應該好有效益。

我要求,港鐵恢復番觀塘線直達港島嘅安排,頂多將軍澳居民喺藍田轉車。

4 thoughts on “點解唔可以喺番藍田站轉車

  1. 其實唔使咁非此即彼。
    如果按日本既做法,根本可以有不同既終點站。

    觀塘線可以過海或者去油塘,將軍澳線亦可以去藍田或過海。於是北角、魚則魚涌會有兩條線既車開出。

    問題只係,如果咁的話,一定會有好多人搭錯車。因為香港人係唔用眼唔用耳的,然後就去投訴。
    其實,一個月台有唔同線,係最方便。只是唔夠fool-proff

  2. 不單日本, 西班牙巴塞隆那及英國倫敦都有類似做法. 相信不少香港人去過倫敦. 他們有沒有搭錯車? 九鐵北行線也有不同終點站, 是否有問題?

    理由相信是地鐵管理問題, 單一轉線, 地鐵不用控制列車轉線, 不用煩.

  3. 我覺得只係香港人俾人縱慣

    我記得地鐵將軍澳線未通車已經有人提出呢種做法,
    況且地鐵都唔係未試過咁做, 當年有特別車分別由
    彩虹同觀塘站直飛中環站的

    相比倫敦, 甚至紐約, 首爾等, 香港的鐵路,
    簡直係小兒科, 轉車站轉車全部都近到爆,
    當你試過搭倫敦 underground, 轉車係有機會
    出返路面再落去的話, 香港的鐵路真係好似湊仔咁湊

  4. 香港鐵路的轉車設計其實係相當完善的了。
    搭過東京、巴黎、倫敦、紐約地鐵的人都應該清楚,
    這些世界知名的地下鐵路網的設計管理營運、環境衛生等都不太以人為本的,平均轉車要行十至十五分鐘….根本無可能行過對面月台。

發表迴響

你的電子郵件位址並不會被公開。 必要欄位標記為 *