王維基與張永霖

亞視的大股東,可以用神奇來形容,委任CTI的王維基做行政總裁,主席就由以前Cable & Wireless HKT的張永霖去做。

王維基的creative destruction能力,小弟並不懷疑。

我第一份全職工係CTI iChannel的記者,當時成個部門可能我係最Young果個。在科網爆破,乜都搞唔成後,都留在CTI好一段日子,直到健康頂唔順葵涌那些污糟到爆的空氣,才在CTI的羅樹基介紹下,加上PC Home。王維基當時為咗HKBN入屋,乜招數都諗過,由各大廈天台5GHz碟去傳訊號,到用美式制式Cable Modem在公屋入屋,王維基係一個好敢試的人。

但係張永霖係另一種文化,因為Cable & Wireless HKT係一間以官僚制度嚴重著稱的英資公司,雖然張永霖主政年代,都算係有遠見。

不過可以肯定,CTI的企業文化,同Cable & Wireless HKT好唔同,加上本來亞視內部都好多硬膠問題,這組合如何扭轉乾坤,小弟好奇。但這不是一場易打的仗,是肯定的。

不過電訊公司出身的人唯一好處是,他們不怕打硬仗,亦沒有什麼包袱。香港電訊市場幾乎是creative destruction專家的戰場,現在都打得七七八八(連PCCW都是用creative destruction屈到iCable死咁滯,有乜好講),王維基身痕搵戰場打,咁我不意外。

6 thoughts on “王維基與張永霖

  1. 那會怎樣? 難道 ATV會全面轉向? 我看不過是置入式行銷, 把”國民教育”提升到另一層次罷了.

    的確, 最近一段時間, 斑馬在線, 也文也武, 確是比無記一大堆無聊透頂+虐待觀眾的節目好得多. 但是, 他們有沒有本事+膽量做下去?

    想變成南都, 還是正式的中央台? 我不樂觀.

    [糟… 中央台也有焦點訪談和每周質量報告…]

  2. 在現在即將進入後中共時期的一刻,誰還以為討好中共擦鞋節目可以幫到自己?

    事實上,這次可能是城市電訊入主亞視,甚至中共新一輪大激戰的序幕。

  3. 其實是資本問題,不論由當年邱德根、林伯到現在的查氏家族,佢地陰d陰d注資,都沒有可能對TVB有何威脅,因為資本重要過一切,一間過百億市值公司的資本同一間咁多年都搞唔好盤數上唔到市的公司打,好明顯只是另一場亞視預料中敗陣的劇本。

  4. 就算唔做媚共台, 斑馬在線, 也文也武既收視如何, 大家都有眼見, 王絰基又話城市電訊暫時唔會幫亞視買節目, 呢仗樂觀的人真係唔多

  5. To Longhair, Jacky:

    資本有幾多都好,最關鍵係機構文化的改革,CTI成功唔係資本,係機構文化。問題係機構文化亦係中國人公司最難改的地方,特別電視界積弊之多,都唔駛我多口水。

  6. 你話王維基幾創新好, 我就對個間bbTV既低劣節目質素心有餘悸, 而且猛話走非戲劇路線……而家唔係已經有少少行緊咩?!

發表迴響

你的電子郵件位址並不會被公開。 必要欄位標記為 *