香港幾時會膠爆

我真係好認真咁討論,香港會喺幾時,膠到有成班友佔領機場、畢打街等等,然後解放軍定差佬,諗住點解決香港成棚憤怒到爆嘅民眾。

點解我要咁認真咁討論,好明顯12月3日在跑馬地同北大嶼山高速公路爆發的士罷駛事件,只不過係核爆連鎖反應的第一步。泰國撤僑撤出膠事件,令成個特膠政府的公信力,以至管治能力一夜崩潰,全香港都睇到香港進入無人駕駛狀態,加上政府的士政策,同交通政策,已經膠到無朋友。林忌一次,兩次,三次都警告會硬膠,政府都唔聽,結果咪搞到依家咁。

如果政府唔實行補鑊政策,班的士佬係唔會罷休,換言之,警察拉的士佬,拖走的士,只係止咳,唔係解決問題。

可以肯定,2009年一定係膠到無朋友的一年。

5 thoughts on “香港幾時會膠爆

  1. 今時今日, 政府既 consistently right 已經唔係咁行得通. 現今社會只會係死雞撐飯蓋.

    問責不怎問責, 還有甚麼問責可言 ?

    唔好以為用集體決定做借口就可以不了了之. D 老而不幾時先會醒 ?

  2. 新的士收費計劃影響不僅限於真正長期忠實服務香港的的士司機, 因為他們遵守法律, 從來沒有參加任何非法營業的士活服務, 包括折扣組,機場和酒店釣魚組。現在,影響遊客,商務客,香港市民和道路安全。

    有關政府官員有沒有好好計劃? 這麼簡單?

    在規劃新的士收費前, 有關政府官員為什麼不參考, 對照, 評估以前的市區及新界的士加價收費表?

    那麼市區及新界的士抗議絕不會發生!!!

  3. 何時有成班友佔領機場、畢打街, 看情況, 快矣! 不知大家還記得八十年代的士罷駛數天, 及後彌敦道發生騷亂? 歷史真的會開人玩笑呢.

    問題是一般市民是否意識到情勢如此嚴峻, 我們要想想要做什麼?

  4. 好多人認為的士司機「唔應該」「損害大眾利益」
    其實我覺得於爭取任何事一直都唔係咩野冷靜. 情緒穩定之下能夠得出結果
    而考慮大眾利益係愚人的表現. 要求人地考慮大眾利益更加係白痴所為
    有哪個有權的人或官會考慮大眾利益?哪個財團會考慮大眾利益?沒有人會考慮大眾利益!大眾算個屁!

    其實一路問題都係人係當下的情況會做d咩, 而做呢d事所產生的結果會係點, 會唔會有佢地想要的結果?

    而家司機不能達到目的(太明顯了吧). 繼續膠化是一定的. 但是無目標的行動很可能無用

    中國人的問題就係. 明明大家都覺得哪天有人忍唔住都係正常. 還在妄想其他人會先作亂.

  5. 我老豆係綠的司機
    佢同我講,佢驚長減短加多D,因為有一班司機係靠短途客既。依家經濟唔好,加短程反而整死我老豆依班司機。依家真係膠到兩頭唔到岸。

發表迴響

你的電子郵件位址並不會被公開。 必要欄位標記為 *