淘寶-雙11-min

淘寶 雙11 廣告一律封無赦

我今朝早都講過, 雙11 呢個節日喺我眼中係侮辱先人,但馬雲呢啲仆街,似乎完全唔會反省佢自己搞咗啲乜嘢過份嘢出嚟,竟然喺香港時間今朝早用Alibaba Group嘅真身狂落廣告,我覺得十分之火滾,我已經收到投訴後全部block晒啲廣告。

雙11 反映阿里巴巴呢個集團本質

其實我表明用文章講明唔歡迎 雙11 呢個節目,即係我呢度有明確編務政策,就係唔要呢啲廣告,甚至呢個應該反映我讀者嘅立場,你依家阿里巴巴集團即係點,迫人接受你果啲垃圾意識形態,定係用自己個Ads戶口大量燒我嘅inventory,唔怪得今日無晒果啲武漢颶風無限嘅垃圾廣告,因為 雙11 廣告接手做果啲仆街嘢。所以我係嬲到其他商戶如果出 雙11 廣告,我都照ban可也,特別係台灣,呢啲中國劣質節日,點解可以公然傳入台灣至得,呢啲文化滲透真係得人驚到一個點。

喺免費版內容未mirror到收費版前,我都會加強呢啲廣告審查,唔啱呢度讀者基本立場嘅廣告都會照ban,因為無興趣睇嘅廣告,既唔會睇,亦唔應該迫人睇。係中國人至會認為,迫反對佢嘅人睇佢啲垃圾,佢啲垃圾意識就會有人接受,呢樣嘢係黐線。當然,香港好多網站都無做呢個網站廣告內容把關嘅工作,否則唔會有人要用Adblocker,雖然Adblocker我覺得係對內容網站嘅營運者係一啲都唔公平,因為內容網站唔收費,佢哋製造內容嘅時間,以至Server嘅錢,例如Server本身,以至CDN嘅錢都要有人俾至得㗎。但網站擁有人,係有責任對廣告把關。

當然,我唔知幾時可以解決垃圾網站充斥嘅問題,但如果會員版同呢度嘅mirroring做完,我相信唔想睇廣告嘅,可以名正言順睇無廣告嘅版本,希望能夠補到相關嘅廣告損失。如果想減少呢度依靠廣告嘅方法,除咗會員版,因為唔係個個都想每個月俾五十蚊,我會寧願大家去我個shop買跕嘢,即係 https://shop.martinoei.com,有乜想買可以俾啲suggestion我,咁樣會健康過,日日睇住啲令人爆血管嘅廣告,未計果啲令人爆血管嘅AWS bot IP。

2 thoughts on “淘寶 雙11 廣告一律封無赦

發表迴響

你的電子郵件位址並不會被公開。 必要欄位標記為 *