支爆-熊本熊-min

支爆 與維穩費大亂鬥

近排有單花生新聞,表面同 支爆 無關,其實同 支爆 好有關係,就係以前愛港之聲主席高達斌,入稟小額錢債追愛港之聲印刷數。幾萬銀印刷數,以前邊可能搵到去小額錢債追至得,只不過,依家中國嘅經濟搞成咁,高達斌咁追數都十分之正常不過。

支爆 搞到啲維穩費到唔到下面

以前高達斌根本唔駛上法院追愛港之聲班友嘅數,中聯辦或梁粉自然有神秘人,幫果班茂利找咗條數,唔好話愛港之聲嘅印刷數,有時民主派喺保釣運動搞出嚟嘅罰款,當有人聲言唔交果陣,都有神秘人出嚟找咗條數,而果個神秘人係乜水大家心中有數。但大家見到澳門中聯辦主任都搞到被自殺,一方面,好多公數應該落咗格,所以係到唔到目標人物嘅手,另一方面,依家中國係咁打走資,而喺香港俾維穩費全部要俾港紙,即係俾外幣,你估依家中國仲有無限咁多錢,果啲大佬級人馬,梗係攞到錢,但高達斌呢啲爛頭卒,就睬佢都有味,所以高達斌呢條友如果仲話自己支持共產黨,即係佢想搵生意做,你估佢係真心嘅咩,我相信呢次追數後,無錯,應該追得番筆錢嘅,但日後中聯辦班友未必搵佢,佢都係走去做自帶五算吧,不過自帶五係最令人睇唔起。

所以啲五毛,依家好多滋擾手段,其實都係用埋啲唔駛俾錢嘅手法,例如用AWS Free-tier,或Digital Ocean嘅Free Services 搞啲仆街主機搞我呢度,梗係喇,佢哋班友數可以照開,但又唔駛俾錢AWS, Google Cloud或Digital Ocean,被人封咗IP就數都唔找,拍拍屁股走人,你估五毛唔知佢哋有朝一日收唔到共產黨條數,共產黨最叻打白條,佢哋梗係知㗎。好似高達斌咁,真係真金白銀走去印嘢幫共產黨做嘢,真係只能講呢條友太天真,啲五毛一般醒好多,如果收唔到現金,都咪俾啲堅嘢共產黨睇,就算共產黨俾咗堅嘅錢,都唔一定要俾堅嘢,因為隨時無以為繼,輸突都似,你估蔣介石叫中共做共匪有死錯人㗎。

所以依家仲做五毛果啲,日後死咗都唔會有人可憐佢哋,亦都係咁解,因為佢哋應該知道共產黨本質係乜。

One thought on “支爆 與維穩費大亂鬥

  1. 今日晏晝去鄰近地區銀行存錢, 全分行只開一個窗口。冇錯,係一個窗口,因為完全冇客仔。從來未見過咁嘅場面。

發表迴響

你的電子郵件位址並不會被公開。 必要欄位標記為 *