英軍-BNO-min

BNO 加入英軍最後障礙已經消除

一直以嚟,唔少 BNO 申請加入英軍果陣最大顧慮,其實在港 BN(HK)A 1990同BN(HK)A 1997嘅BC都係,就係未住夠英國五年,入英國軍隊難啲。只不過,喺英國政府核數報告出咗後,國防部宣布大幅放寬加入英軍嘅居留期要求,未住過英國都得,我相信有志從軍報國,應該操fit身體。

BNO 加入英軍障礙消除

雖然呢次放寬,係適用於所有英聯邦國家國民,包括印度、巴基斯坦、加拿大、澳洲,但相信除咗少數已經其實幫緊英軍做嘢果啲,可能乘機同佢哋轉身份外(特別翻譯員,佢哋喺英軍海外反恐任務係關鍵),大部分印度、巴基斯坦果啲,要從軍不易,因為background check果啲,佢哋會相對難過。我相信呢次放寬要求,其實係為居於海外英籍人士從軍開路,因為佢哋以往一直想報國,但門路甚少,大家要留意,以往居留要求,唔單只 BNO 受限,British Citizen一樣中招,包括唔少喺香港讀書果啲白種英籍人士子女。而我相信少數澳洲、新加坡有志移民英國嘅人,都會攞加入軍隊呢條路。新措施明年初會適用於陸軍,好快海軍同空軍都會適用,所以如果想明年就可以申請英軍,依家就要做好準備,特別體能,我相信體能呢家嘢,唔係一時三刻可以突然操起,並可以符合英國國防部嘅要求。

特別我相信有部分同香港人爭位嘅對手,係服咗兵役又想移民嘅新加坡人,因為佢哋叫有受過軍事訓練,而新加坡軍隊嘅訓練,大致上跟北約要求,所以如果想加入兵役,雖然BC同BNO喺國籍上會有優勢,但喺體能上,至少你要達到曾經受過新加坡兵役嘅人嘅要求。因為,你唔能夠排除有新加坡服過兵役,或前新加坡武裝部隊吧官兵轉過嚟。

當 BNO 都可以做英軍所有法理障礙嘅時候,仲有人講乜嘢二等公民論,我唔知啲人諗乜,不過,有樣嘢我提醒果啲懶醒嘅人,歐盟公民,除咗愛爾蘭公民、塞浦路斯公民同馬耳他公民,其他都唔可以加入英軍,呢次放寬,都係令塞浦路斯同馬耳他公民容易加入英軍,但其他非英聯邦嘅歐盟公民,繼續唔可以喺英軍服役。

發表迴響

你的電子郵件位址並不會被公開。 必要欄位標記為 *