李少光應考慮下台問責

泰國撤僑事件,結果變成特膠政府近月來最硬膠的一仗(仲要呢次係算到特膠政府會膠爆),李少光最後要向公眾道歉,並聲稱為承擔責任。

作為政治問責官員,佢應該點承擔責任。佢無做好佢份工,唯一的做法就係辭去保安局局長一職。

唔好講第二樣嘢,有人涉嫌在旺角警署強姦和非禮一事,在英國,警務處長同等同保安局局長的內政大臣已經要落台問責。更何況保安局呢鋪係連衰兩鑊,警察有問題、入境處都有問題,咁係李少光自己有問題,唔辭職都唔得。

問責唔代表下下要人頭落地,但呢鋪如果唔斬個頭落嚟,好難平民憤。

5 thoughts on “李少光應考慮下台問責

  1. 我一早已經贊成政府盡早用包機將香港居民撤走, 我係泰國咁耐, 今次示威者既行為的確好過分, 我都唔同情, 但他信既勢力的確好大, 要清除佢既影響, 可以係難上加難. 講番入境處同港府, 我有機會一定會追斬佢地十條街, 簡直離晒譜, 一d危機意識都無, 如果中國有事咪可以提早收工

  2. 今次事件暴露出當局嚴重缺乏國際政治視野與判斷能力。加上這班長期以來自以為是
    高高在上的庸官治港﹐香港會有運行嗎﹗

  3. 講起上來也奇,旺角警署強姦一案,為何沒有人找特警成算帳?

    當局嚴重缺乏國際政治視野與判斷能力,也反應了政府決策程序/系統不能回應社會訴求及處理突發事件.一眾膠官各顧各,什麼也不做;或求名節保身,以依足程序為名,推卸責任.

    在昨日有線新聞報導訪問中,有受訪者說”特衰政府什麼也不做,為何他們要納稅”.雖然是悔氣說話,但絕對是一個嚴重的警號,政府胡作非為已經令民怨加深,不過相信以我們一眾膠官的識見,不會洞悉的.

發表迴響

你的電子郵件位址並不會被公開。 必要欄位標記為 *