自貢銀行-min

自貢銀行 擠提事件嘅警號

四川 自貢銀行 最近搞出擠提事件,事緣有人指 自貢銀行 幾個大股東借咗銀行大筆錢走數,銀行資不抵債,所以搞唔掂。雖然中國公安一貫手法都係,捉咗所謂造謠人士算數,但中國人對中國銀行系統幾咁有信心,呢個大家可以睇得好清楚。

自貢銀行 唔係個別事件

你話 自貢銀行 爆煲件事係唔係造謠,其實稍為對 自貢銀行 背後大股東華西能源作出研究都知乜事,華西能源一向都係負債勁重嘅公司,仲要華西能源當初買 自貢銀行 返嚟,都已經係發債集資,大佬,邊可能依家發債集資買銀行㗎,佢果啲係乜資本嚟,跟住 自貢銀行 作為一間農村商業銀行,即係德國最多近似Sparkasse,或英國Building Society之類嘅物體,係咁幫華西能源做standby LC之類嘅信貸項目,大股東根本買間銀行嚟淘空有乜奇,陳水扁未對台灣金融作出改革前,台灣啲銀行或信用社咪成日好興咁樣執笠收檔,某個程度,如果話陳水扁貢獻最大,係將台灣金融界果啲狗屎垃圾問題執得相對乾淨,但中國基本上都一個蠻荒世界嚟,銀行監管水平根本係不合流,特別地方政府同啲地方財閥例有勾結,所謂依家有人炒燶房地產,政府又拖數,你話間銀行嘅大股東會做啲乜,梗係擸錢走佬,所以中國民眾唔信間銀行,係唔係攞錢先講,根本好正常。

就算政府點澄清,我都睇唔到 自貢銀行 最終可以生存到,除非中央政府為咗死撐,注入資金死頂,但如果一間又爆,兩間又爆,中國人民銀行有幾多錢可以填呢啲地方債務黑洞,呢個仲未計之前P2P金融搞出嘅另一堆黑洞,根本沒完沒了,呢個亦係我對香港金融系統悲觀嘅根本理由,甚至叫大家如果係揸BC, BNO同葡國護照,就將錢搬入英國或歐元區,如果揸加拿大、澳洲、美國嘅,搬番自己嘅國家,因為依家嘅情況,遲早係大爆破,呢個係真支爆,支爆唔係好似梁振英條人渣講,係唔存在嘅嘢,越熟中國國情,越知道中國銀行系統嘅危險性。

稍後我都會將歐洲開戶口篇文,copy入會員版,會員就自己任睇,我會另外再寫一啲匯款解說嘅事。

發表迴響

你的電子郵件位址並不會被公開。 必要欄位標記為 *