Trump-國會

Trump 有無可能挑戰憲法第十四修正案嘅天賦美國國籍權利?

Trump 打算用行政指令,KO美國憲法第十四修正案裡面,針對美國公民身份定義嘅修正,即係凡美國出世嘅人,都係美國公民果項修正。由阻止啲人生仔搏美國居留嘅角度,香港人好明白 Trump 諗法,《基本法》廿四條類似條款都玩殘香港人。但 Trump除咗修憲,技術上係KO唔到第十四修正案。

Trump 無空間去發出行政指令

我大學果陣,其實係讀美國憲法開始,之後再研究《基本法》,所以我好多法理思考模式,一開始唔係英國普通法果套,其實係美國果套思維邏輯。咁大家睇吓憲法 14th Amendment係寫乜,出事位喺 Section 1果度

All persons born or naturalized in the United States, and subject to the jurisdiction thereof, are citizens of the United States and of the State wherein they reside. No State shall make or enforce any law which shall abridge the privileges or immunities of citizens of the United States; nor shall any State deprive any person of life, liberty, or property, without due process of law; nor deny to any person within its jurisdiction the equal protection of the laws.

其實出事位,係subject to the jurisdiction thereof,你唔能夠將illegal immigrant 都講成 not subject to the jurisdiction,因為持有美國Visa嘅人,佢已經係subject to the jusirdiction。而且最大鑊係同一條後面果句,No State shall make or enforce any law which shall abridge the privileges or immunities of citizens of the United States; nor shall any State deprive any person of life, liberty, or property, without due process of law; nor deny to any person within its jurisdiction the equal protection of the laws.

問題係,成個國籍條文,當年為咗保護黑奴,係同due process 條款綁埋一齊,啲中國五毛成日老屈美國警察濫用權力,喺criminal procedure上,正正因為 14th amendment嘅 due process條款,所以美國警察搜證係十分之守規矩,最多就係亂咁開槍隊冧人,但嚴刑迫供之類,荷里活電影就有,現實好少,因為打犯等於放犯。所以我睇唔到, Trump有空間,可以阻止birth tourism,或grant illegal immigrant 嘅子女美國公民權。

修憲都難過登天

當然,我明白點解 Trump要打茅波,因為美國修憲極難,你要攞到國會兩院三分之二議員支持你修憲,跟住再攞四分之三,一共三十七個州嘅議會同意,大佬,點做,所以近年啲修憲案幾乎無幾多個過到,而呢個14th Amendment修憲案喎,你點對付東北十三個,以及西部太平洋沿岸加夏威夷呢堆左膠州份,咪玩喇。

仲有人話,咁呀,打去最高法院,反正啲大法官好多都保守派,保守派還保守派,但真係由 Trump委任得一個,就係啱啱委任果個,布殊年代委任果啲,唔一定贊成 Trump嘅觀點。 Trump呢款保守派,係美國係有爭議性,布殊年代嘅人,好多係唔鍾意 Trump嘅作風,所以呢次行政指令,我覺得Trump係明為選舉賭一鋪,個個都想解決問題,但政治現實係,咁樣玩法只係擺法院上檯,同埋你Trump會死得好慘,何必。大幅收緊中國公民赴美簽證,可能更加實際可行。

發表迴響

你的電子郵件位址並不會被公開。 必要欄位標記為 *