廣州的士大罷駛

如果你人在中國廣州,而你今日好難截的士,呢個係正常現象,因為今日廣州的士罷駛。

在11月23日,白雲區成棚的士佬包圍政府,以及同差佬衝突之後,廣州市內已經傳12月1日會有的士大罷工,只不過中共奉行硬膠政策,以為威脅的士佬可以阻止罷駛,結果搞出中共建政以來史上最膠的罷駛事件,有幾千架的士參加。

在11月,中國多個縣市已經爆發同的士有關嘅騷亂同罷駛,依家經濟咁嘅形勢,如果班地方官繼續硬膠,大家可以估到最後局勢可以膠到乜程度。因為好明顯已經出現由質變演變的量變,由以前嘅維權衝突,演變成今日不受維權人士控制,群眾自己搞出嚟嘅大型行動,呢挺行動會滾雪球咁出現,依家舊雪球越滾越大。

泰國係好危險,不過中國唔好得好多。我奉勸部分有外國護照,有權申請中國簽證人士,有得唔去中國就唔去,如果真係要去,近日以簽證進入中國,一旦中國出乜膠事,唔通你諗住特區政府嚟救你?咪玩喇。

2 thoughts on “廣州的士大罷駛

  1. 內地政府近期非常頭痛,市道不景,已經開始影響到民生的穩定,公安呢排成日做野就知道佢地極為緊張。

發表迴響

你的電子郵件位址並不會被公開。 必要欄位標記為 *