國泰航空-min

國泰航空 會唔會中GDPR

寰宇一家成員航空公司大規模資料洩漏事件,如果你因英航中獎,而英航喺GDPR生效果刻仲未搞掂件事,咁你因乜國籍,都可以入稟英國法院claim英航,中 Data Protection Act 1998, Data Protection Act 2018定GDPR都係慘死。但如果你係居港BNO,又喺 國泰航空 單嘢上中咗,咁又點呢?我答案係,好大機會你係claim得。

國泰航空 可以有幾大鑊

先講 GDPR 一般要告人,有兩個原則,一係喺你慣常居住成員國告佢,一係喺果間公司所在國家告佢, 國泰航空 係香港公司,當然唔可能喺香港用GDPR告佢,只不過,如果BNO同BC喺英國法院用Data Protection Act 2018同GDPR或兩者兼施郁 國泰航空 係無問題,同樣嘅,葡萄牙公民,如果喺葡國法院用GDPR郁 國泰航空 都得,只要證明2018年5月25日之前, 國泰航空 未有補過隻鑊就夠。所以 國泰航空 幾時補咗隻鑊,呢件事事關重要,亦必須向股東明確公告,否則 國泰航空 真係被人告到褲都甩果陣,你果陣你叫啲小股東點走?大佬,你講緊成村香港BNO, BC, 葡國公民中晒獎,我都未計果啲歐盟國家住嚟香港轉機同玩果啲旅客,果啲都係中獎名單嘅一員,都係要應付佢哋嘅賠償。

但仲有一個情況更極端,就係 國泰航空 嘅主要大股東係Swire Pacific Limited,而Swire Pacific Limited大股東係英國John Swire & Sons Ltd,即係英國公司,歐盟成員國公司搞出屎,咁就會全民中大獎,即係全民走晒去歐盟告爆 國泰航空 ,而 國泰航空 必須以一間EU公司喺香港分公司身份,面對歐盟嘅巨額罰款,加大量嚟自歐洲國家嘅索償。即係果陣, 國泰航空 同英航情況一樣,當然唔駛講你係乜國籍。如果 國泰航空 搵嘅外判係EU公司,都會中GDPR,因為GDPR係十分之容易中招嘅法律,人類史上除國際法外,最惡嘅治外法權法律,當推GDPR。

所以你俾著我係國泰航空股東,你會點諗,我諗都唔駛我教喇。

發表迴響

你的電子郵件位址並不會被公開。 必要欄位標記為 *