支爆-熊本熊-min

支爆 爆到七彩,中原地產嘅經紀點會開到單

有報導指,有大批中原地產經紀今年單都無開過,應該要裁員。其實呢班地產經紀一早要搵後路, 支爆 爆到七彩,而香港地產市場根本係畸形中嘅畸形,呢班友開到單真係奇跡嚟,香港地產經紀有朝一日失業都係佢哋自己攞嚟。

支爆 爆死晒啲地產佬

股票經紀係一路要個市升,係咁叫人買,用埋啲奇怪財技叫人係咁買,自己袋住啲經紀費,大家睇番華爾街狼人,Matthew David McConaughey對住Leonardo Wilhelm DiCaprio果餐飯嘅對白,你睇得明,你就睇得穿財演,或銀行係咁向你sell啲垃圾嘅仆街。但地產經紀本質唔應該係咁,無錯,樓價越高,佣金越勁,但正確嘅地產經紀做法,其實係樓市喺一個普遍市民可承擔嘅水平,租金都係,然後有買有賣有租咁樣穩穩定定賺份專業服務費,但近十年,因為中國嚟嘅黑錢,依家嘅地產經紀,係連保險經紀更不如嘅一班爛仔,專業水平佢哋就無,老昆你買樓就有嘅,以往啲買家目的都係洗黑錢,梗係無大問題,但依家 支爆 咗,剩低大堆偏離香港市民負擔水平嘅樓盤,啲牙籤盤都話係豪宅,你話佢哋唔死晒就幾難喇。所以 支爆 爆到七彩果陣,中原地產經紀開唔到單等炒係正常嘅,同樣嘅,其他地產經紀嘅死法,都會係一模一樣,唔會有分別。

而且仲有一樣嘢,由於過往啲地產佬太對市民白鴿眼,所以如果佢哋一冧,下面果啲細嘅,固然無人可憐佢哋,果啲所謂高層,更加無人可憐,相信大把市民想佢哋仆街死,因為今日香港惡劣嘅居住環境,呢班友個個都係幫凶嚟,如果成班中原地產經紀喺IFC天台集體跳樓,我懷疑中環有好多人拍爛手掌,無法,當你班友做生意完全不顧民生果陣,結果就係咁,無人對你呢啲人講情義,因為你哋只係對住啲錢講情義,而唔記得咗自己嘅專業應該係點嘅一回事。

當然,當大批地產經紀長期單都無張果陣, 支爆 嘅情況係比大家想像中嚴重得多,我相信樓市暴瀉係遲早問題,你估中國啲人唔駛將磚頭嘅錢搬到西方國家咩,我真係留名睇樓價以自由落體方式下跌,跟住香港樓市好似日本樓市咁,永遠都唔會升。

發表迴響

你的電子郵件位址並不會被公開。 必要欄位標記為 *