華融系謎網-min

華融系謎網 與上海幫大鱷

David Webb喺香港時間周五,公布咗新一批同中國華融有關嘅謎網股票名單,我叫 華融系謎網 ,呢堆股票當中唔少,都因為中國華融嘅老闆被人拉咗,停鬼咗板,買咗果啲股票嘅股民應該喊得一句句,但我相信更大問題係,點解呢批垃圾股可以存在,係唔係李小加包庇上海幫大鱷有關。

華融系謎網 點解可以生存

華融系謎網 同之前謎網50係唔同,謎網50係香港典型華資交股民果啲左手交右手遊戲,所以市值大極有個譜,或容我咁講,謎網50玩果啲,係Jordan Belfort(華爾街狼人果套片果個主角嘅真人版)玩果啲penny stocks遊戲,美國都有好多呢類仆街,但 華融系謎網 可以涉及民生銀行、卓爾呢啲市值幾百億計嘅公司,就係另一回事,呢啲係涉及國家級別嘅欺詐行為,李小加無理由乜都唔知,點解有人可以玩得咁爽手,華融案依家係被指同上海幫有關,大家或者會想問題,好似李小加呢啲友仔,係咪幫上海幫班友喺香港股市為所欲為,搞到香港股市變成美國OTC股票果啲咁嘅賭場。大家睇依家香港股市嘅玩法,同華爾街狼人裡面果啲pink sheet股票有乜叉分別,你話俾我聽。

所以 華融系謎網 果26隻股票固然唔買得,但成個上市或買殻審批程序裡面,有幾多問題,都係要查個清清楚楚,簡單嚟講,David Webb做咗第一步,佢可能遲吓爆埋第二步、第三步嘅料,但再進一步果啲,就要政府同執法部門介入,而依家香港股市最牙煙嘅地方,就算除咗證監會公正做嘢,港交所、政府全部都極度深潛,應該有人做嘅嘢,根本無人去做。

如果你話未來香港股市點樣自救,其實首先要炒咗港交所嘅李小加先,咪俾呢啲人再攞香港過橋幫中國啲貪污cap水,我傾向喺西方國家,搵個唔駛中文嘅管港交所,費時呢啲人同中國有太多千絲萬縷嘅關係,成日發cap中國水嘅夢,結果係咁搵香港股民笨,由西方國家嚟嘅人,當然唔好同啲大i-bank關係太密切,李小加咪大i-Bank出身。但亦都唔好同啲華資行太熟,華爾街有幾多狼人我唔知,我只係知交易廣場狼人都唔少。

發表迴響

你的電子郵件位址並不會被公開。 必要欄位標記為 *