支爆-熊本熊-min

支爆 最令人擔心係偽鈔問題

又係 支爆 熊出動嘅時間,依家香港政府借大嶼山填海咁掠水,大家都知依家香港公共財政,以至港元價值都有問題,我好早叫大家將錢搬到海外銀行戶口,依家連袁彌明自己喺Facebook都咁講,你自己諗吓係唔係純粹我黃世澤一條友做杞人。但換美金有一個新問題要解決,呢個亦係 支爆 嘅衍生問題,就係偽鈔。

支爆 會衍生偽鈔

當共產黨政權不穩果陣,呢班仆街係乜都做得出,而偽鈔,仲要係美金偽鈔,肯定係呢班中國人玩嘢嘅選項,所以對美金現鈔嘅防偽,係務必小心。但有幾點,大家可以參考

1. 換美金現鈔絕對唔可以去中國資本銀行,喺英國或美國資本銀行換出嚟,或㩒出嚟嘅美金現鈔,至今仍然可靠。
2. 如果你去外地旅行,不如喺當地㩒現鈔,例如喺日本㩒日圓、喺英國㩒英鎊,喺澳洲㩒澳洲紙,喺歐洲㩒歐羅,如此類推,至少啲貨幣出事機會好微。
3. 換美金,特別一百蚊鈔票,一定要換最新嘅Series,雖然過往發行嘅所有美金紙幣,仍然係legal tender,但實際用果陣,會有好多爭拗。
4. 去 www.uscurrency.gov呢個網站,定期睇吓美金嘅最新保安特徵,知道多啲呢啲特徵,永遠都唔會樣衰。
5. 如果你喺外地旅行用剩嘅現金,唔好換番做港幣,就直接變成你救命儲備嘅一部分。只要你去嘅國家貨幣幣值穩定,都係比港幣值得持有,因為港幣喺林鄭月娥嘅搶錢行為下,堅唔知幾時變成廢紙。
6. 如果你開唔到銀行戶口,將錢儲入一啲可當成現金使用嘅儲值卡,例如JR東日本嘅Suica或JR西日本嘅ICOCA,甚至英國倫敦嘅Oyster都係好事,因為呢啲卡你可以查番剩番嘅價值,甚至喺海外有辦法轉售轉錢,呢招係可以喺非常時期儲你外幣現金嘅方法。
7. 另一招可以儲值嘅方法,喺去海外買當地嘅Prepaid-VISA之類,但留意有使用限期,但如果有實物卡,基本上呢啲卡可當現金替代品使用。
8. 仲有,如果你選擇嘅貨幣有膠鈔票,就用膠鈔票,例如10英鎊,因為膠幣出現偽鈔機會好低,至少中國未掌握到。

3 thoughts on “支爆 最令人擔心係偽鈔問題

  1. 有效期十年問題唔大, 去開日本又肯/識買西瓜卡嘅, 一年去一次已經算去得少, 就算真係過咗十年無用過張卡, 都可以回水, 但一張西瓜卡入金上限得20000円, 唔多夠用.

發表迴響

你的電子郵件位址並不會被公開。 必要欄位標記為 *