東大嶼山-min

為 東大嶼山 發債係黐線建議

應該為 東大嶼山 燒錢計劃解畫嘅陳茂波,終於出嚟講嘢,但佢講嘅嘢簡直係黐線,話為咗可以提供一個穩定投資工具,所以打算為 東大嶼山 項目發債,我一聽就知極唔妥,係應該更加反對呢個荒謬計劃,否則唔只儲備燒清光,而且係債留子孫。

東大嶼山 點解要發債

如果靠政府財政儲備可以搞得掂嘅事,本來係唔應該發債,香港一向發債,都係地鐵興建初期要舉債,以免用得太多政府財政收入,或者好似五隧一橋咁,有錢賺項目,唔想私有化,又想Cash-in同人為製造債券市場,所以至有債券出現。但陳茂波我想問,你憑乜認為 東大嶼山 項目係有錢賺,足以支付債項利息,如果根本成件事係蝕錢,買果個固然係傻嘅,更大鑊係債留子孫,日後香港人係要還嘅,咁仲得了嘅。

而且陳茂波話發債,即係暗示政府根本預咗會超支,而且一定係用晒香港成萬億財政儲備,否則點會一開始就諗要發債,但香港政府一向財政原則係唔舉債,香港喺有財政盈餘嘅情況下故意舉債,係為咗金融市場有足夠抵押品運作之用,僅此而已,依家 東大嶼山 發債唔係呢回事,而且債券大部分時間下都唔係小市民買嘅,多數係啲大孖沙買,你要買大公司啲商業票據都唔係散戶有得玩,更何況政府債券,我十分質疑批債券最終買家係咪中國政府,或者中國啲人,令香港人長期要欠呢班仆街錢,所以我一聽到債券兩個字,感覺極為唔妥, 東大嶼山 計劃係更加要抵抗到底,無可能可以咁樣俾陳茂波、梁振英、董建華呢啲人渣集團可以過到骨。

仲有一樣嘢,我認為公務員,特別咬長糧果啲,係應該出嚟反抗 東大嶼山 計劃,對長俸制公務員,我認為係罷工都在所不惜,至少喺德國,一早做咗預警罷工,因為香港嘅政府財政儲備中,有三千八百億喺公務員退休金儲備基金,即係長俸基金,相關數字,你哋自己睇呢度喇

雖然政府未欠過長俸,依家長俸係政府常規支出度俾,一旦政府財政出問題,你叫咬長糧嘅公務員食西北風,我真係未聽過可以唔負責任到呢個程度嘅公共財政安排,華員會呢班仆街,唔知消失咗去邊,喇,呢啲就係李卓人應該出嚟做嘅嘢。

發表迴響

你的電子郵件位址並不會被公開。 必要欄位標記為 *