東大嶼山-min

反對 東大嶼山 保住香港荷包

東大嶼山 呢個搾乾香港嘅工程,係要反對到底,只不過,為防啲左膠出嚟搞到件事出煙(一個梁啟智玩射歪,跟住山中、黃覺岸呢啲仆街群魔亂舞,黃覺岸連殘體字都唔記得改),都係要講個不論左中右都贊同嘅口號,好簡單,保住香港荷包,反對 東大嶼山 。

東大嶼山 係搾突香港人

東大嶼山 工程費話要萬億港紙,呢個好睇香港財政儲備俾得起,首先,本來唔應該郁儲備,但更大問題係, 東大嶼山 好大機會超支,如果超過萬億港紙,唔通要加稅嚟支付呢個大白象工程,就算香港啲大有錢佬預支,除非預支兩萬億(預計超支100%),否則都唔好上當,唔好同我講啲儲備都唔會駛,不如攞嚟解決香港房屋問題呢啲廢話,呢個只不過係常識,就係政府工程一定超支,萬億都係一定唔夠,所以擺明車馬違反《基本法》107條。

如果 東大嶼山 係超支,我相信十年後香港人就要孭重稅俾中國政府狂抽,所以 東大嶼山 計劃必須拉倒,唔駛講,而單程證係一定要收番,因為依家中國每日送一百五十名唔知有無自力更生能力嘅移民入嚟,係另一種陰乾香港人荷包嘅方法,加埋 東大嶼山 ,隨時係稅項重過英德兩國都搞唔掂件事,依家中國挖空香港嘅方法,同中國夾埋納吉挖空馬來西亞嘅方法源出一轍,所以我嘅口號人人都明,就係保住香港荷包,反對 東大嶼山 。

當呢個反變相抽稅俾中國嘅論述一出,之後要講就容易好多,我歡迎share呢篇文,亦歡迎其他同道俾番credit我情況下攞嚟用,係唔歡迎盧思達,因為呢條仆街抄嘢永遠唔俾任何credit,簡直係香港文壇毒瘤,行為同中國班友係一模一樣。

依家大家明白曾俊華點解吓吓都寧願啲錢唔駛,無錯,唔駛啲錢,對好多基層或者唔公平,香港係唔少錢應該投資,例如公立醫院系統,學校嘅設施,高速公路等等,只不過,一開駛錢之門,啲錢根本唔知駛咗去邊,好似港珠澳大橋、中國高鐵呢啲北京意志高壓之下迫出嚟嘅工程,搞出乜嘢大頭佛,大家都有目共睹,唔駛我多講,更何況今次 東大嶼山 計劃,寧做守財奴,其實有佢嘅道理喺度。

發表迴響

你的電子郵件位址並不會被公開。 必要欄位標記為 *