安華-馬哈迪

安華 贏出Port Dickson補選

安華 如無意外,會以壓倒性票數贏得Port Dickson呢場人為製造嘅補選,為 安華 接任首相鋪路,我唔認為 安華 有必要立即繼任首相,但 安華 繼任首相,將會係為馬來西亞完成正常國家嘅路程完成最後一哩路,結束現有局面。

安華 不用立即為相嘅理由

安華 依家係無必要立即上任首相,因為納吉政府留低嘅財政爛攤子,係非一般嘅爛,而郊區馬來人嘅硬膠程度,亦係非一般嘅膠,而對付中國呢啲仆街國家,亦唔係依家 安華 可以應付,無論林冠英、陸兆福定係馬哈迪,都係收拾過往多年嘅殘局,甚至承認獨中呢個問題,都好大機會要喺 安華 贏出補選後,由馬哈迪呢位前教育部長出手解決, 安華 依家返去,係熟習政府同議會運作,以及一旦馬哈迪健康唔掂立即頂上首相之位,但留馬哈迪喺內閣擔當類似資政嘅職務。南洋果種膠,係需要馬哈迪、李光耀呢啲唔怕被人鬧到爛嘅強硬派精英處理,正如英國二次大戰果膠果陣,最後出嚟收拾殘局果條友叫邱吉爾,邱吉爾係有名唔識做人嘅一個人嚟。

但 安華 擔任首相,都應該係呢任政府任內嘅事,屆時馬哈迪要做醜人都做完,馬來西亞最終要成為一個尊重民主、人權嘅多元種族國家,並且要處理國家裡面嘅原教旨主義問題,為南洋全面民主化鋪路,馬來西亞民主化完成,新加坡至可能喺中國瓦解後鬆開手政改,之後下一個要執,就係印尼政壇嘅問題,如果納吉死攬巫統同國陣唔放,我相信馬來西亞希望聯盟政府至少有十年時間執政,可以執晒成個國家各類硬膠問題,日後大馬政治,都好可能係希盟成員黨變晒多元種族政黨後,再互相合作同競爭,亦即係李光耀一生人嘅終極目標,馬來西亞人嘅馬來西亞,只不過李光耀無諗到,最後 安華 同埋佢留低喺大馬嘅人民行動黨人(今日嘅民主行動黨)完成咗佢當年未完嘅事業,畢竟有啲政治理想,唔係可以一個人,或一代人去實現,而係要好多人,同好多代人共同實現先得嘅。

馬來西亞未來仲有好多波折,但我對呢個國家有信心,只不過我勸啤梨呢啲仆街唔好再賣第二家園樓盤叫香港人去,喺呢個時勢,馬來西亞唔適合過多華裔移民。

發表迴響

你的電子郵件位址並不會被公開。 必要欄位標記為 *