馮檢基

馮檢基 點解可以確認得咁快

馮檢基 出嚟玩鎅票後,選舉主任(或DQ主任)話咁快就確認咗佢嘅參選資格,不單香港依家選舉仲有無公正值得懷疑,係連 馮檢基 係唔係鬼都好明顯確認咗,有啲人擺明係鬼都幾畫公仔畫出腸果隻,完全一啲迴避之心都無果隻。

馮檢基 咪係欽定陪跑

馮檢基 一直爭做劉小麗 Plan B,我相信選舉主任因為李卓人係劉小麗Plan B,兼主張結束一黨專政DQ埋佢,因為DQ埋支聯會啲人,相信係中聯辦想做,畢竟中聯辦係靠北京大屠殺嘅鮮血得勢,依家再無利用價值,就會劏咗佢,呢個係中共一向玩政治嘅邏輯嚟。選舉主任因乜解究,會俾一個想做劉小麗Plan B嘅 馮檢基 ,或者馮檢雞(檢死雞也)確認參選資格,咁依家好簡單,呢個係劇本嘅一部分,一個入過臨時立法會嘅人,你對佢有乜期望,我只能講泛民嘅支持者普遍太善良,如果一早當馮檢基係陳財喜、劉江華之流看待,咁會好一啲。

呢件事亦教訓泛民支持者,喺一啲大是大非問題上做叛徒嘅友仔,係絕對唔用得,因為呢啲人一次做得鬼,第二次都會做鬼,沒完沒了,而且絕不反省, 馮檢基 正係呢啲人,馮煒光未擺明車馬投共前,都喺唔少問題上人不似人,結果大家都知道,佢日後係做咗鬼嘅。所以依家有啲泛民,我都係抱絕不信任態度,例如趙家賢都係咁,甚至楊岳橋我依家都持不信任態度。對中共第五縱隊呢家嘢,我都幾清楚,中共唔會派只係一款嘅人滲透你成個陣營,只不過,依家中共嘅玩嘢水平,遠遠唔及國共內戰時期咁解啫,國共內戰時期果啲滲透分子嘅面目係唔同好多,依家中共玩政治水平已經差咗好多,只不過用嚟玩香港班泛民,都仍然係綽綽有餘果吓就係,畢竟英國人對香港人太好。

依家我仲睇有無其他聲稱代表民主派嘅候選人,特別係黃毓民,無錯,一位叫黃毓民嘅政棍,如果連佢都禮拜一都走去報名,中共係快速確認咗佢,大家都知乜事。唔好同我講乜嘢議會抗爭一定要靠黃毓民,鄭松泰夠喺立法會喇,依家鄭松泰條友去咗邊呀,雖然我好清楚熱血同普羅政治學苑已經反咗面,黃毓民依家啲仆街嘢,唔好計入熱血數。

發表迴響

你的電子郵件位址並不會被公開。 必要欄位標記為 *