德士達太平洋-核電廠-min

中廣核啲 核電廠 仲可唔可以安全運作

美國最近又出招對中國,呢個香港人以為同自己無關,但其實係有關,就係美國收緊對中廣核嘅出口管制,唔准美國公司向中廣核出售民用 核電廠 技術,如果你覺得呢個同香港無關,咁你錯喇,呢次隨時搞到核電廠都可能有營運問題。

核電廠 有唔少美國技術組件

大家要了解,Framatome雖然依家係EDF佔大股,日本三菱佔細股嘅公司,但呢間公司嘅法文原名已經話俾大家聽呢間公司嘅起源,Franco-Américaine de Constructions Atomiques,中文譯就係法美核電建造公司,本來係為推廣Westinghouse嘅壓水式反應堆技術而設立嘅公司,所以有好多技術本來係涉及美國,甚至本身要攞美國能源部許可,一如CFM-56飛機引擎,以至好多美國GE嘅飛機引擎,都係因為涉及唔少美軍資助開發嘅技術,所以CFMI係美國註冊公司,同埋涉及美軍技術嘅部件要由通用電氣喺美國組裝(當然後嚟知道根本唔係國家安全問題,係法國佬想收美國飛機關稅,呢役後就唔敢)。依家Framatome仲有唔少技術係美國分公司負責開發,所以美國能源部唔准Framatome出口技術、設備同部件到中國,我相信中國有 核電廠 可能有營運上問題。

另一方面, 中廣核有唔少旗下 核電廠 係用AP-1000核反應堆,果堆反應堆技術喺Westinghouse手上,而唔准出口新技術,或唔俾出口許可,我睇中廣核仲可以用AP-1000嚟做乜,所以呢次中廣核係勁大鑊,無計喇,鬼知中廣核走去起海上移動核電廠,呢個簡直係南海挑機行為一部分,因為有啲南海嘅海島基地,可以用呢啲海上核電廠提供電力,核電可以提供嘅高輸出能源係其他能源做唔到,咁美國唔郁你中廣核就奇喇。

大家要記住,特朗普喺貿易戰上、南海問題上係堅做嘢,講得出做得到,代價反正唔駛佢俾,係納稅人幫佢找數,所以如果中國持續玩嘢,當美國無到,美國大把牌你打,土耳其都搞到頂唔順投降,埃爾多安隨時自己都要仆街嚟換取美國唔好玩咁辣,中國有乜條件死頂?

發表迴響

你的電子郵件位址並不會被公開。 必要欄位標記為 *