劉小麗-DQ

九龍西選舉主任嘅超時空 DQ

大家都知莫須有嘅典故,秦檜要殺岳飛,理由都慳番,所以係古文莫須有,依家九龍西 DQ 主任,貫徹秦檜嘅精神,可以超時空 DQ ,今日預測到2018年10月20日嘅事,簡直超越秦檜嘅極限,呢次超時空 DQ 充分反映成件事嘅無恥。

DQ 只係根本預先編好嘅劇本

其實成封 DQ 嘅信好鬼,首先總綱呢個居然譯唔到英文,以香港AO嘅英文水平,全英文信件應該無問題,反映呢封所謂 DQ 信,根本可能係由中聯辦嘅人執筆,再搵中國嘅人譯做英文,一如大韓帝國後期,其實大部分政令都係由韓國統監府去草擬,只不過之再交俾李完用之類嘅官僚執行,所以呢個係好典型中國式殖民統治嘅鐵證。

而且 DQ 劉小麗呢個決定,係一早做咗,劇本都預先編好,所以可以坐時光機,將2018年10月20日嘅事,寫入2018年10月12日發出嘅信中,你以為你自己睇錯咗《IQ博士》,果個有時光機嘅功能嘅鬧鐘走嚟走好。但一向無法律意識嘅中聯辦,根本唔知係,出張咁嘅 DQ 信,本身已經司法覆核嘅理由,要求法院頒布臨時禁制令,令成個選舉炒粉都得,如果其他問題上眾籌俾劉小麗我都反對,但如果眾籌俾劉小麗申請臨時禁制令,停咗呢個荒謬到爆嘅選舉,我覺得係無妨,當然如果你覺得唔值嘅,都可以喺我度買吓嘢嘅,好過益地產商。

呢次超時空 DQ 已經充分反映,唔會有真選舉,只有提名被篩選,被共產黨操縱嘅假選舉,我又唔會認為大家要唔投票,或者將票射俾龍心、黃毓民、馮檢基,如果連李卓人都被 DQ ,我認為就有必要杯葛選舉,甚至投俾黃毓民同馮檢基都係仆街,呢兩條友係邊個屎忽窿走出嚟,大家係十分之清楚,唔駛再扮乜叉嘢民主鬥士,點可能一下子又幫馮檢基,跟住又突然想出嚟選,有啲人同佢啲教眾面皮厚度,基本上同中共都係一模一樣。

當然,當香港可以用秦檜邏輯執行法律果陣,你仲信有法治?我懷疑法院可以捱到英國佬返嚟都已經偷笑,所以依家香港人,要當自己喺極權國家,一如當年東柏林嘅人,所以如果可以離開嘅離開,我並唔認為係壞事。

發表迴響

你的電子郵件位址並不會被公開。 必要欄位標記為 *