中英聯合聲明-1-min

中英聯合聲明 走數之後

劉小麗被二次DQ, 中英聯合聲明 好明顯係走數,其實英國前外相聶偉敬已經明確警告,英國必須將主權移交嘅協議確實執行,視為英國最大嘅國家利益,好喇,依家我相信英國好難唔做嘢,否則英國佬BREXIT之後會被歐盟玩到謝為止。問題係, 中英聯合聲明 走數後,會係點嘅世界。

中英聯合聲明 走數之後

當然,根據《維也納條約法條約》收番界限街以南主權,呢個係一條長路,而且好大機會涉及武力戰爭(有機會界限街變成Friedrichstrasse翻版,唔知乜嘢叫Friedrichstrasse,睇吓柏林歷史),但有一樣嘢, 中英聯合聲明 果堆「擔保」英國會守法嘅嘢,會一嘢玩完,咁乜嘢係 中英聯合聲明 嘅英方擔保品,我簡單嚟講係咁分析

1. 無英國居留權,但有居港權利保障嘅英國國籍(即係BNO, 中英聯合聲明 英方備忘錄)
2. 美國對香港原有待遇嘅保證(美國-香港政策法)
3. 歐盟視香港為獨立地區嘅系列法律(包括HongKongese Citizen呢個怪terms,形同港獨,其實呢個係歐盟法律對香港發出護照嘅統稱,但BNO唔係香港發出,呢個概念,我只會喺BNO密件果個Server講)

所以如果撤出相關保證,我相信係有三步曲,跟住就好大鑊

1. BNO變成英國公民(因為 中英聯合聲明 英方備忘錄變咗出咗問題,詳細法理問題我唔喺度講)。
2. 美國將美國-香港政策法加辣,即係香港人權及民主法1997,甚至更辣
3. 歐盟好似管天眼部件咁,當香港係中國一部分作出出口管制,依家警車同天眼部件,已經反映歐盟呢個立場。

當然有其他嘢配合,例如大規模難民潮可能出現問題,或者特區護照嘅旅行便利好可能大規模取消(因為特區護照嘅待遇係比照BDTC-HK而做),以及銀行資金往來,貨物往來嘅審查等等,依家中國無可能要一國兩制嘅好處,但唔要俾出喺 中英聯合聲明 敘明中方自己應承要俾嘅代價,依家係特朗普年代,佢係講得出做得到,唔會講吓就算,所以劉小麗DQ咗好好玩呀,你覺得無事呀,祝你好運。

發表迴響

你的電子郵件位址並不會被公開。 必要欄位標記為 *