劉小麗

DQ 劉小麗:戲都費時做

劉小麗 終於被DQ,其實幾個被DQ議員中,最無辜係 劉小麗 ,佢只不過讀慢啲,佢連黃毓民、梁國雄果挺玩嘢都唔同,只不過,依家中共係戲都費時做,亦無錢做,所以直接DQ 劉小麗 ,班友以為以香港人嘅態度,可以做到非洲級數選舉。

直接DQ 劉小麗 係戲都無錢做

以今次選舉嘅戲碼,其實可以唔駛DQ 劉小麗 ,直接俾 劉小麗 輸咗佢,我相信佢輸機會都唔細,問題係,要做場咁嘅大龍鳳,你要養幾多仆街?又陳凱欣、又馮檢基、又黃毓民,群魔亂舞都要錢㗎,而現時中共嘅財力邊度有錢,喺10月4日前,我喺Google Adsense發現大量垃圾戶口落廣告,10月4日後一夜消失,咁代表乜?無錢囉,要消耗人地嘅Adsense inventory要錢,結果係港人講地幾日前赤膊上陣,不過我一嘢用 block domain功能block晒。當中共維穩費根本俾唔出果陣,所以就直接莫須有DQ 劉小麗 ,甚至李卓人都DQ埋,確保係馮檢基可以當選,不過馮檢基返去,又係多個土共議員,大家都知馮檢基條仆街喺臨時立法會嘅角色係乜,咪只不過係政治花瓶,所以有人為中共嘅政治花瓶背書真奇怪就係。

當然DQ 劉小麗 唔係無代價,加上Victor Mallet事件,英國係無得唔做嘢,否則正如前外相聶偉敬講,你英國駛鬼人地尊重同你簽嘅任何國際條約,屆時我真係只能用當年貝理雅嘅金句嚟寸英國政府,Weak weak weak。但呢件事,應該會變成美國佬嘅彈藥,香港人權及民主法案都無乜機會唔過,香港真係準備面對一條辣到無倫嘅《美國-香港政策法》。

泛民唔好只係抗議算數,都係果句,大家只會覺你堅無用,係為DQ6,唔係DQ4討回公道,同埋唔好再指望中國會為香港帶嚟民主,連自決都接受唔到,唔通要從政一定要投共,咁不如唔好投算,泛民係時候向港中分家呢個方向出發,要保住香港嘅公共財政,保住香港人本護照,保住香港人嘅政治權利,唯一方法係港中分家,並且新嘅香港係有西方國家嘅充分保護同支持至得。指望建設民主中國,喺今日中國人嘅心態係椽木求魚。

One thought on “DQ 劉小麗:戲都費時做

  1. 一如我上次同你講, 我D推測很準的:–“小麗無心機做節目, 她也許都知道最終結果”!

發表迴響

你的電子郵件位址並不會被公開。 必要欄位標記為 *