神根簽證

香港人去歐洲要 神根簽證 ? 澄清、分析及建議

一朝早,我打開電腦同手機,成棚人問2021年香港人要 神根簽證 咩,跟住俾咗個web-site我睇,喺歐洲,除非係當地政府,或europa.eu嘅資料,否則一定要將個site scroll到底,一睇完個site,我知我要出手做clarification。

神根簽證 ETA 十劃都未有兩撇

首先,睇我呢個scroll到底嘅screen capture

神根簽證
神根簽證

呢個所謂 神根簽證 ETA Website根本係一間西班牙旅行社想掠水去開,所以係fake news,真正歐盟官方資料喺呢度:

http://europa.eu/rapid/press-release_MEMO-18-4362_en.htm

唔該大家睇呢啲嘢時,要極度小心,包括傳媒。當然,有唔明問我,我都okay。

跟住, 神根簽證 ETA ,其實係跟隨加拿大、美國嘅做法,簡單嚟講,呢種做法你可以話變相簽證,但亦可以講係一種pre-clearance,提升border效率。正如British Citizen成日話美國免簽,但都要攞ETA,仲要一旦entry refusal無得上訴,結果仍然有一定數量英國公民寧願攞美國簽證,道理一樣。

神根ETA依家喺歐洲法上,仍然喺會員國joint declaration,因為要將現有電腦系統修改整合,但真正要行,仍然要喺EU Parliament修改所有同 神根簽 證 相關嘅directive,BNO同特區護照免簽,都係根據 EU Parliament 嘅directive,實情係點,一定係 Directive 見真章,所以任何網站話自己幫人搞ETA果啲都係呃錢嘅fake news網站,唔該大家睇清楚啲先。

同埋以歐盟一貫做事方式同效率,2021做到係真樂觀,有啲歐盟成員國嘅膠力,無搞到柏林新機場咁,delay又delay已經還得神落,EU Style嘅文件旅行同繁複程序,我十分之身同感受,報關都可以一頭煙,你諗吓個 ETA 系統開發過程有幾膠。

好,跟住BNO同特區護照嘅問題。

如果係特區護照,一定要ETA,唔駛講嘅,因為係Non-EU member state national,反而屆時系統點分特區護照定中國護照至出事,因為特區護照係無ICAO碼,基本上係用人手硬入你係特區護照,所以不如擔心呢個問題好過,依家CHN Passport係必須神根簽證。

至於BNO,我會咁講,睇BREXIT先,如果BREXIT咗,BNO同BC屆時出入歐盟安排都應該一頭煙,大批BC同BNO行咗2004/38/EC權利,屆時法理炒車炒到爆廠。而且亦唔知係no-deal BREXIT定有deal,有deal就另一樣嘢,唔BREXIT又另一樣嘢。但可以肯定,有BNO揸BNO喺呢個問題上無衰,因為英國護照在歐問題,一向都係膠力無限,但依家UK Border Agency個database,縱使唔係神根成員國都同歐盟黐住。

同埋我勸啲傳媒,唔好亂寫呢啲新聞,有唔明刨吓書,問吓人,拜托。

發表迴響

你的電子郵件位址並不會被公開。 必要欄位標記為 *