Sears-min

Sears 申請破產保護,支爆雪上加霜

Sears 集團好可能申請破產保護令,因為下個禮拜一應該找唔到數, Sears 同KMart兩間嘢做得差,呢個係對美國有啲認知嘅人嘅常識,幾年前已經買到爆粗。但依家 Sears 申請破產保護,可能係加劇支爆,至少好多中小企廠應該唔駛旨意收到數。

Sears 同支爆關係

無錯, Sears 同 Kmart 仆街,同呢啲公司唔適應網購年代嘅生態好有關係,而網購最重要係物流,唔係樓面,都啱嘅。不過可以肯定,中國人係無辦法直接大規模進軍西方國家電子商貿,而 Sears 同 Kmart 一類嘅乜都賣公司,仍然係好多中國中小廠商希望入去, Sears 話要嚟中國招商果陣,成班中國人以為執到寶。我相信唔少中國廠商,就算因為東南亞競爭勁,跟住供貨俾 Sears 集團,然後 Sears 集團以為自己都救得番,點知特朗普嚟招勁嘅關稅辣招,結果 Sears 手上啲貨,根本唔可能喺感恩節檔期賣到有利潤,既然係咁,不如申請 Chapter 11 算數,呢個就係點解感恩節將到,甚至我喺德國都準備緊聖誕檔期嘅嘢果陣, Sears 就舉白旗投降,申請Chapter 11。

依家 Sears 爭緊1億3千萬美金數,但有幾多係啲廠商中招,唔知,過數幾個禮拜,成堆中國廠商收唔到數,都應該係十分好睇嘅一件事,大家可以諗到,呢個禮拜五 Sears 申請破產保護,中國大批廠收唔到貨款,跟住又收唔到復活節訂單,呢鋪真係大X鑊,成堆中國中小廠商收唔到數執笠,你李克強加幾多出口退稅,甚至搞出口補貼都無用喇,根本中國喺一個過期嘅產業鏈上,又要玩抄襲,你唔想死都幾難囉。

所以依家喺一個咁嘅年代,你覺得支爆未爆,錯喇,依家支爆係不斷深化,越爆越深,等到冬至成堆工人為追薪酬「維權」果陣,我睇習近平應該十分之頭痕,呢鑊 Sears 破產,都帶嚟唔少爆炸力,仲未計唔知仲有幾多傳統零售商內傷緊。

本文圖片來源:https://www.flickr.com/photos/jjbers/26378255878,CC 2.0 授權。

發表迴響

你的電子郵件位址並不會被公開。 必要欄位標記為 *