馬哈迪-馬哈蒂爾-min

馬哈迪 醫生決定全面同中國開拖

對於一個曾經話自己係獨裁者嘅人,好難想像佢會為馬來西亞帶嚟人權曙光。但 馬哈迪 不單決定結束馬來西亞死刑法律,而且喺十幾個維吾爾難民嘅官司上,馬來西亞政府決定釋放呢堆維吾爾難民,並俾佢地前往土耳其。 馬哈迪 醫生,依家已經狠下決心同中國開拖。

馬哈迪 同中國對著幹

呢次涉及嘅維吾爾人,都係千辛萬苦嚟到泰國,但泰國個仆街政府同中國政府合作,拉咗佢地入監,準備送佢地返中國果陣,佢地越獄走人,跟住進入馬來西亞。如果照納吉政府嘅做法,一定送晒班友返中國,而馬來西亞法院受政府影響始終係好大,只不過,馬來西亞法院以人道理由決定釋放佢地,並且可以繼續前往土耳其,雖然土耳其政府係親共,但佢地對到咗當地嘅維吾爾人,一般唔會遣返,畢竟真係「血濃於水」。而 馬哈迪 喺中國送晒啲維吾爾人入集中營果陣,做出呢個決定,為維吾爾提供一線逃亡曙光,而且佢都叫救咗十幾個人,所以好難想像,今日嘅 馬哈迪 醫生做出呢個決定,亦反映咗,佢喺同中國關係問題上,決定豁出去。

當然,如果一旦香港人要向南逃亡,馬來西亞係唔係好地方,我唔係百分百肯定,馬來西亞華人有部分對中共仍然有幻想,同印尼華人好唔同,馬來西亞華人有部分仍然視馬共華裔成員被殺係民族恩怨,同印尼華人經歷排華,以及中共對逃往中國難民嘅迫害果種理想幻滅好唔同。基本上,最反共嘅南洋華人,都係印尼,或者新加坡淵源多,某啲祖籍馬來西亞嘅人,唔好以為新、印兩地出身嘅人唔敢大叫天滅中共,支持民族黨至得。雖然我對中共嘅立場係,應該係比照1945年後德國英、美、法佔領區清算納粹嘅手法。我唔排除有大馬華人,有可能出賣香港嚟嘅難民,所以我反而希望 馬哈迪 唔好怕被指挑動民族矛盾,主動清理或斥責果啲仍然對中共有幻想嘅華裔馬來西亞人。害到今日馬來西亞將近破產果個國家,就係中國。

馬來西亞係越南之後公開挑中國機國家,但馬來西亞同台灣一樣,企喺人權嘅角度,同菲律賓果種無腰骨,或者越南仍然骨子裡鎮壓言論嘅情況唔同。 馬哈迪 醫生決定主動中國開拖,呢個好值得注意。

One thought on “馬哈迪 醫生決定全面同中國開拖

  1. 大馬華人也正在對台灣產生威脅
    這個族群大量移民台灣
    卻有著大中國思想,對台灣有著強烈敵意

    我注意他們很久了

    (網主按:本留言編輯過,我本身也是南洋華人,請你尊重一下)

發表迴響

你的電子郵件位址並不會被公開。 必要欄位標記為 *