買入 萬山群島 港中兩蒙其利

林鄭月娥喺施政報告提出東大嶼山填海,被人鬧爆,質疑係唔係送錢俾中國救支爆。林忌、楊繼昌都建議買人担桿島嘅業權,取代東大嶼山,我認為一不做,二不休,不如香港直接買入 萬山群島 現時中國控制地區嘅業權,永久劃入香港特區範圍。我相信咁樣,對中國同香港都大有好處。

萬山群島 用二千億買入大家有著數

我嘅建議唔只買檐桿島,而係成個 萬山群島 (澳門控制區除外),全數向珠海市政府買入,香港向中央政府提交兩千億財政儲備,換取 萬山群島 各島嘅一切事權,我個建議係咁

1. 萬山群島 以及其相連海域一切經濟權利俱為香港特區所有,香港法律於 萬山群島 執行,劃入香港特區行政區司法管轄區範圍,當地原有公安人員必須撤走。
2. 原有 萬山群島 居民(以2018年10月10日為截止界線),可保留相等於一幢丁屋大小嘅業權,並且直接成為香港永久居民,其永久居民權利由 萬山群島 權利轉變當日生效。 萬山群島 居民日後有權宣稱擁有任何由2018年10月10日起與香港相關國籍事權。

無錯,呢個係有可能幫中國吊命,但我相信中國係無底洞,多多唔夠,但呢個計劃輸送錢,名正言順,兩蒙其利,香港得到一直需要嘅戰略水域,而中國中央政府可以即時有hard cash落袋,唔駛再經啲國企老總同香港商界啲人隔上隔,而且只要搞得掂,一年後已經可以準備基建改造,幾年後可以起樓,最多係供電、供水同防風幾點煩啲。如果中國中央政府支持呢個計劃,我相信大家都會高興,甚至林鄭月娥民望一夜爆升都唔奇。

我相信呢個計劃,一定有益過團結香港基金果個搵水計劃,團結香港基金果個計劃,甚至最終目的唔係幫中國經濟吊鹽水,而係為支持團結香港基金果啲國企同財團搵銀,中央政府過到手嘅,隨時一千億都無,依家至少兩千萬億直入習近平中央政府袋,大家都有著數,而且 萬山群島 中國擺喺度都係荒島,無謂生人霸死地,相反,由香港人嚟發展,香港人都應該要出一兩千億嚟開發 萬山群島 ,但可以一買入 萬山群島 果日就做規劃賣地,而且我相信蝕本機會細好多。

發表迴響

你的電子郵件位址並不會被公開。 必要欄位標記為 *