騰訊-min

騰訊 嘅價值根本係匪夷所思

騰訊 好明顯係今日股災嘅焦點,間公司比高位果陣跌咗四成,居然有唔負責任嘅銀行,走去推薦啲人買 騰訊 ,呢啲真係大戶為咗散貨,不惜推啲散客去死嘅行為,照依家中國嘅國策, 騰訊 依家嘅價值簡直係匪夷所思,仲有得跌就係。

騰訊 憑乜值依家嘅價值

大家幾唔妥馬雲同阿里巴巴都好,有一樣嘢大家要肯定,喺支爆呢個大形勢下,啲中國廠商只會繼續俾錢馬雲,好多人認識馬雲喺支付寶同淘寶網,支付寶依家變相收歸國有,無計,但阿里巴巴本業係一個收錢業務嚟,啲中國廠商為咗自救,反而會繼續俾錢睇吓仲有無單可以收,所以貿易戰第一個死一定唔係阿里巴巴。當然馬雲係古惑,一個教英文出身嘅外貿佬係比較識政治,所以佢依家就全身而退,一旦有事佢去外國都仲得,雖然孟宏偉事件話俾大家聽,有聯合國乜乜物物組織頭銜,中國要整死你都總有辦法,可能馬雲依家暗中勾結郭文貴呢條友實際少少。

騰訊 依家有乜有strong cashflow業務,WeChat過數呀,支付寶都被收編國有,你WeChat啲過數老幾,用嚟喺大學學生會選舉行賄用呀?跟住遊戲,如果 騰訊 想喺遊戲產業打出名堂,一定要有一個充分言論自由環境,無言論自由環境嘅創意工業,都只會係洗黑錢工具,因為你都無得自由發揮啲內容。但你依家 騰訊 好多遊戲根本上唔到架,而中國支爆深化,基層有鬼錢課金同你買道具打遊戲,所以 騰訊 係跌極都有,佢股價有十幾蚊都俾多佢,依家啲大行仲叫散戶買 騰訊 ,你班友黐咗邊條筋,我識果啲熟中國網絡產業嘅人,都唔睇好 騰訊 ,大行憑乜叫散戶買,所以呢啲咪係幫大戶向散戶接啲蟹貨嘅仆街行為,亦都係咁解。

基本上,中國網絡產業股都係玩完,因為唔係被國進民退政策玩殘,就係貿易戰下根本無咁多cashflow,甚至中國嘅物流產業都會仆街,下個11月11日,應該係中國表演假數大會,只不過,果啲物流公司仲肯唔肯攞啲空箱係咁運嚟運去就十分值得懷疑,因為中國人未必再有購買意欲,而中國貨品出口唔到去海外已成定局,我睇唔到扭轉嘅機會。

發表迴響

你的電子郵件位址並不會被公開。 必要欄位標記為 *