林鄭月娥-樓價-min-施政報告

施政報告 用成萬億餵飽啲乜嘢仆街

施政報告 用團結香港基金嘅建議,搞東大嶼山填海,究竟呢成萬億會乜人食飽飽,要鬧人一定要做基本嘅研究,我就好簡單,攞過去十年重大嘅填海工程承建商分析, 施政報告 用成萬億餵飽乜嘢仆街,真係一啲都唔難估。

施政報告 餵飽乜嘢人

其實香港嘅填海工程,嚟嚟去去都係果幾間公司中標,係除咗機場三跑道系統嘅填海工程,因為涉及用日本、韓國嘅技術,所以一定由五洋建設同韓國財團中標外,其實主要都係三間嘢玩晒,一間係中國路橋、一間係中國港灣、一間係利基建築。

時間 工程 承建商
2009年 中環-灣仔繞道北角填海 中國港灣工程-中國路橋工程 合營
2011年11月 港珠澳大橋人工島 中國港灣工程
2016年 機場三跑道系統 四份合約
1. 日本五洋建設牽頭財團
2. 韓國三星與香港利基合資
3. 韓國三寶集團
4. 韓國三寶集團-中國路橋工程 合營
2016年 將軍澳-藍田道路工程填海 中國路橋-香港利基合資
2018年1月 東涌填海工程 韓國三星與香港利基合資

而中國路橋同中國港灣都係中國國有企業,而利基建築,單偉豹兄弟係佔一半股權,但新世界旗下嘅新創建都佔26%,而新世界嘅鄭家純,正係團結香港基金嘅副主席,大家都估到,最後東大嶼山嘅工程,會由乜嘢人瓜分,最大份嘅填海工程,係中國啲國有企業攞大份,跟住新世界攞份細,其他你食風喇。填咗海後嘅其他工程,大家唔好唔記得,仲有其他中國國有企業會分,基本上梳理咗最大份嘅填海工程後,你就會明白呢個係幾明目張膽嘅官商勾結,當然我唔排除利基控股隨時一夜股價被炒高,甚至利基控股被中國國企收購,方便中國國企壟斷成個工程。

所以呢個工程極為邪惡,亦都係呢個原因,依家係明目張膽搶香港人錢呀,係呀,《基本法》無要求香港上繳財政收入,但中國會利用啲國企明搶香港人之嘛,我相信有啲餅碎會分俾韓國人外,跟住中國人食最大份。所以呢種明目張膽官商勾結工程,一定要反對,香港人嘅儲備唔係任何人私產。

原創研究,我謝絕果幾份抄報抄襲,特別立場新聞,以及盧斯達兩件仆街。我用咗成個鐘做資料分析收集,所以我要講明,呢兩檔嘢唔該行開。

發表迴響

你的電子郵件位址並不會被公開。 必要欄位標記為 *