電子煙-1

禁 電子煙 係保護中煙利益

今年施政報告其中一樣最爭議性政策,應該係得到民主派支持,但全港市民鬧爆嘅禁止 電子煙 政策,因為西方國家嚟講, 電子煙 係一定造成少過傳統香煙嘅二手煙禍害,仲要其實係視為有助戒煙,係醫學界白痴、泛民白痴,定政府白痴。

電子煙 與中煙

其實真係反對 電子煙 嘅煙草商只得一個,呢個煙草商會over晒所有勢力,果個煙商叫中煙。點解我咁講,首先,依家香港剩番持有香煙生產許可證嘅公司,剩番其實都係中資企業,一間係紅塔香港,一間係南洋煙草,兩間都係中國資本公司,紅塔香港直頭係中煙旗下,南洋煙草係上海實業旗下,但大家都知,煙草呢家嘢,一定係黨專營,因為呢個涉及解放軍軍費來源等問題。

而中煙喺香港勢力越嚟越大,唔好講好似紅塔山、中南海、王漠呢啲煙,依家連英國牌子555,成個商標實際擁有公司,都係由中煙同英美煙草合資嘅中煙英美煙草,雙喜喺中國以外,都劃入中煙英美煙草,你話中煙手上咁多traditional products喺手,你依家嚟 電子煙 大舉入侵,你叫中煙喺支爆期間食乜?仲要中煙依家買咗好多津巴布韋嘅煙草,所以林鄭月娥依家喺施政報告成個向中國輸送利益嘅思路嚟睇,我相信禁 電子煙 成個idea,根本係北京嘅指令,總之煙民患癌死,香港人食二手煙死,係你嘅事,最緊要係保障中煙傳統產品喺香港銷路。大家都知,依家香港由歐美日三地煙草佔有越嚟越低,我諗上年紀嘅人,都唔係個個繼續食萬寶路、健牌呢啲煙(我唔喺香港一年,我唔知便利店仲賣緊乜叉煙了)。

所以 電子煙 被禁成件事,基本上唔係為香港人嘅健康,如果真係為香港人嘅健康,唔該做盡啲,傳統香煙全面禁止入口,咁會公道一啲,依家好明顯係香港政府為咗保障中煙提供俾中國嘅財政收入,基本都以健康為理由,實際上係公然捍衛中煙嘅收入,所以香港政府係有責任向全世界解釋,究竟全面禁止 電子煙 呢個天才政策,實際上係點出嚟。香港嘅醫學界人士,以及泛民啲on99,咪咁天真喇,我依家就真係同你講政治經濟學,一睇就明。

發表迴響

你的電子郵件位址並不會被公開。 必要欄位標記為 *