林鄭月娥-樓價-min-施政報告

林鄭月娥挖空香港嘅 施政報告

林鄭月娥最新嘅 施政報告 ,竟然真係照團結香港基金,應該係做瓜香港基金所言,用成萬億,即係大部分香港財政儲備去整個人工島,呢個project,為捍衛香港人嘅財產,必須反對到底 at all cost 。理由好簡單,中國貪官想挖空香港財政儲備走人。

明知整死香港嘅 施政報告

唔好講到環保咁大先,我只係用盤數計,如果東大嶼山提供大量土地供應,引發樓市暴跌,香港嘅儲備夠唔夠挽救銀行系統,實際上,純粹由呢點嚟睇,足以反對呢個計劃有餘,因為呢個計劃絕對會隊冧樓價。我唔係話依家樓價合理,但一下子隊冧樓價引發銀行系統崩潰就一啲都唔合理,呢方面,林鄭月娥寫 施政報告果陣無理由乜都唔知。

如果賣地收益係可以填到工程條計,用咁多儲備話合理,但如果會隊冧樓價,果萬億儲備變咗一堆沉降土地,香港環境大受破壞,但政府收番遙遙無期,香港仲學乜人講低稅,到時香港集體破產都似,呢個係一帶一路國家破產果條路,只不過呢次用喺香港身上,大家都知呢筆錢收唔番,我估呢條筆錢有部分攞去俾中國吊命,因為贏得project一定係中國果啲國有建築公司,但大部分會被中國黨官帶走,然後一旦支爆,就算英國返嚟都唔知點執呢個財政黑洞,所以,呢個係一個絕對車毀人亡嘅project,所以我呢件事,純粹由財政角度去評估,都要反對at all cost,不論係為咗香港公共財政、銀行系統穩健度,定係為咗香港人自己嘅錢,唔會落入班貪官污吏手上。

香港人係應該自救,當然,唔好再學班左膠當年喺反高鐵嘅失敗,左膠到依家都唔明高鐵搞成今日咁,根本係共業嚟,依家反東大嶼山計劃好簡單,穩樓價、保財政,唔要東大嶼山計劃,件事係咁簡單,因為呢個計劃由頭到尾都荒謬絕倫,要解決香港土地問題,根本唔係咁樣解決。

要解決香港土地問題,好簡單,限制中國南嚟移民就得,只不過,依家中國為咗搶錢同殖民,絕對唔會做,所以喺對付中國移民問題方面,應該要再諗辦法,否則香港人最消極嘅,就係唔要港幣,乜都以美金、日圓同歐羅交易,無其他方法。

2 thoughts on “林鄭月娥挖空香港嘅 施政報告

  1. 最衰香港人怕死又唔團結, 否則可以發起擺交稅運動. 將錢倒落海, 不如留番d錢係自己度.

    香港特膠府收入雖然唔係依靠薪俸稅, 但係如果好多人擺交稅, 唔多唔少俾飯民同土共有少少壓力.

  2. 在對出外海high sea填海是十分危險的, 1來沉降,2來颱風 3來海浪侵蝕.我都不知道大海中用砂填的地如何可以起高樓大廈?起低密度的這樣你填來有什麼經濟效益?只可建一兩間一層的平房huts? 英國是有屋cottages起在懸崖上但人家下面的是萬年的花崗岩.

    昨日回港到中資銀行提錢,原來由6月開始,所有外幣存/提都要收0.5%手續費,無論多少最少要收100元, 看來銀行真是缺水, 要把所有外幣留在銀行內不希望你提出來. (連人民幣都是只是港幣不用收),但美元2500以下存入便不用收手續費, 即希望吸立你D美元. 香港現在的情況如何可賺到外匯?港產片賣去東南亞又無.中共以為搶了個地方就可有外匯收入,想創了它的心.

發表迴響

你的電子郵件位址並不會被公開。 必要欄位標記為 *