習近平-min-3

習近平 家族收入與官職不相稱

今日蘋果頭版,大爆 習近平 家族喺香港手持物業價值成六億,當然,呢單料唔係一般人爆嘅料,呢段料應該係 習近平 啲對家放,否則一般人點會知道 習近平 家族手頭有幾多樓盤喺度至度,就算田土廳係公開紀錄,但要喺田土廳個database搵嘢係大海撈針。不論爆料動機點, 習近平 家族收入與官職不相稱係肯定。

習近平 月薪咁少點維持家族龐大資產?

英國對貪污嘅概念,係用收入與官職不相稱呢個概念,即係你擁有嘅財產,無合理辯解嘅情況下,遠遠高過你嘅所得,即可推定你干犯咗防止賄賂條例下嘅罪行。雖然好多人對呢個罪名有好多意見,乜有錢犯法㗎,但對付華人社會嘅貪污,佢好有效,而且好能夠審視一條友嘅所得來源,係唔係真係靠自己努力。但至少對公職人員嚟講,搵得每個月十萬,都無理由有能力買成億嘅豪宅,而 習近平 嘅人工得成萬銀,佢啲家族成員,如果靠實力,都無理無一間香港人人都知嘅公司,但又有億億聲嘅財產,呢件事本身就係荒謬絕倫。所以, 習近平 賺咁嘅錢,家族可以勁成咁,收入與官職不相稱呢個肯定,當然,其他中共官員喺呢方面都係離晒大譜,基本上,反貪只係政治工具,你叫中共官員唔貪係無乜可能,甚至我咁講,你叫華人有咗權力唔攞去用都無乜可能,有權唔用,到期作廢,呢個就係中共今日嘅現況。

世上任何有大量黑錢流入嘅國家,其物價以及物業市價都會貴到hihi,一如英國、瑞士都係呢類黑錢主要處理國,所以同樣嘅,香港物業貴,董建華成日想搞東大嶼山,一來要搾乾香港庫房,另一方面,不斷有嚟自唔同派系嘅黑錢需求,呢個就係董建華明知樓市劈咗成10%,都堅持要搞東大嶼山填海嘅原因。當然,我相信西方國家都唔會再歡迎嚟自中國嘅黑錢,因為中國人會搞到西方國家政治一塌糊塗,所以各國停止接收中國黑錢,亦只會係遲早問題,全世界物業市場如果大跌,相信原因就係中國黑錢嘅消失,令泡沫價格嘅動力消失。 習近平 鬧啲人樓攞嚟住,唔係攞嚟炒,結果自己啲屋企人都炒埋一份,十分之諷刺。

中國已經病入膏肓,呢個相信係不爭事實。

發表迴響

你的電子郵件位址並不會被公開。 必要欄位標記為 *