Financial Times-min

Financial Times 編輯事件美國商會都出聲:香港必承受商貿後果

Financial Times 編輯變相被香港驅逐出境事件,依家越搞越大鑊,美國商會擺明車馬出嚟指責香港政府,呢個係十分罕見,大家諗吓美國商會過往同香港政府幾老友至得,大家仲記得維港巨星匯果件事。只不過, Financial Times 呢件事,搞到美國商會都要出嚟講嘢,呢鋪香港都玩得完。

Financial Times 事件得罪金融界

大家諗清楚,香港最大美商係乜先?金融界,特別係investment bank,金融界底線一直十分清楚,佢哋未必支持港獨,但唔該唔好喺言論自由上作出人為障礙,因為揸鑊鏟嘅人,係最大忌任何不必要嘅資訊障礙,點解亞洲金融中心唔係東京、新加坡,除咗法律框架外,仲有一樣嘢,講新聞界果種暢所欲言,香港係亞洲稱雄,依家你咁玩 Financial Times ,即係同金融界過唔去,所以最後結果就係美國商會都要出嚟,做採購果班未必想同你中共反面,但揸鑊鏟果班唔係,係香港果啲金融賭徒,因為佢地係盲賭,所以佢地根本係唔在乎新聞自由,但唔係專業投資者,即係日日對住Bloomberg Terminal炒上炒落果班友。

所以 Financial Times 事件得罪金融界,呢兩日個市已經跌到仆街,你估港府同張曉明堅持落去無代價,我估美國佬會持續沽爆你個倉。人民幣如果呢個月破七,我未必意外,當然,我懷疑張曉明,或部分中共高層自己有暗沽期指,我唔信呢班大帝唔知依家 Financial Times 事件咁玩法無後果,俾我都暗沽期指賺一筆喇。

英國喺呢件事上態度軟弱,其實英國無話無報復措施,因為英國公民entitle滯留喺香港一百八十日,而因此特區護照持有人可以留喺英國一百八十日。咁依家好簡單,取消特區護照一百八十日免簽,或大幅減少到十四日報復,如果怕牽連太廣泛,可以先針對香港官員及其家眷,以及中國出生嘅特區護照持有人必須簽證,我相信如果英國肯玩呢招,立即成班黨官會狗急跳牆,當然英國內部亂七八糟確係事實,依家至搞出BREXIT嘅大頭佛出嚟。

發表迴響

你的電子郵件位址並不會被公開。 必要欄位標記為 *