支爆-熊本熊-min

想用出口退稅救 支爆 ?死快啲

依家中國面對出口受阻,外匯流入停止嘅問題,李克強諗到一條屎橋,佢以為係合符WTO規定,就係出口退稅增加,用出口退稅增加去救 支爆 。呢個係意圖用公帑嚟抵消Trump大帝嘅關稅影響,但呢招work唔work我十分之懷疑,甚至死得更快。

支爆 根本無藥可救

出口退稅,無錯,歐盟都有用,所以如果有出口退稅嘅歐盟產品,一定要用歐洲電子報關,唔可以用CN22, CN23等簡易報關,因為歐盟係跟每一件MRN去退稅(每年貨品有個全球一統編號),但係美國可以指呢啲出口退稅係製造唔合理競爭優勢,再相應加番你關稅,特別美國已經要脅要退出WTO,你認為跟WTO仲有用,李克強,你條友知唔知你自己同乜嘢人打交道,唔好當美國佬同Trump呢個生意佬係傻。

而且出口退稅嘅財政基礎係中國中央政府嘅財政收入,乜中國真係咁有錢去維持長期出口退稅補貼?我恐怕可能啲外匯未入嚟,中國嘅財政已經崩潰咗,跟住啲廠商要收果啲退稅白條,喊得一句句。所以有幾多廠會跟住李克強號召唔走,我十分之懷疑,所以依家李克強呢個政策宣示,用出口退稅救 支爆 ,即係成件事已經陷入絕路,啲廠只會走快啲,而人民幣會沽得再勁啲,呢個月突破一美元兌七人民幣嘅心理關口,應該唔係太大問題,除非中國打算棄守30000億外匯儲備嘅底線,但如果30000億都破,其實人民幣都唔會守得住。

依家 支爆 係無藥可救期,要停止 支爆 唯一方法係中國宣示政改,係真政改,尊重西方民主國家,並且停止東抄西襲,你覺得中國共產黨有呢個決心做呢個改革,根本做唔到,如果佢係想做,一早喺十幾年前或者1989年果陣已經做咗,如果中國1989年唔係喺北京大開殺戒,而係照胡耀邦、趙紫陽嘅路政改,一早中國變咗亞洲民主國家,甚至已經開始傾緊中、日、韓等國嘅亞洲聯盟,仲會我喺呢度同你講 支爆 。所以 支爆 呢家嘢,係中國共產黨同中國人拒絕正常國家道路嘅結果,以為做獨裁國家可以做強國,但係唔係文明國家就唔係文明國家,所以中國玩完係正常的。

One thought on “想用出口退稅救 支爆 ?死快啲

發表迴響

你的電子郵件位址並不會被公開。 必要欄位標記為 *