人民幣-廁紙

中國降準等於濫印銀紙: 人民幣 準備失守

喺中秋之後,一如我所言,中國惡化到一個史無前例程度,而喺10月7日,中國人民銀行宣布降準,呢件事係好大鑊,簡單嚟講,中國已經棄守 人民幣 ,今日 人民幣 匯價同埋香港個市都會十分精彩,我對呢個十月,中國同香港點過十分之懷疑。

人民幣 已經無法可守

中國本來唔敢降準,因為一旦 人民幣 供應大增,但無相應外幣流入去支持,大家都知道結果,就係 人民幣 匯價大崩潰,即係支爆會再深一啲,我發明嘅講法,深化支爆,爆到落地底果隻。但係依家中國嘅銀根緊張,如果唔提供進一步流動性,黨官走唔到,而好多企業快速執笠,習近平政權好可能好快玩完,所以依家中國已經做一場大賭博,就係真係降準,一降準就銀行可以借多啲錢,至少有部分企業唔會即刻死,呢個係唔識經濟嘅人搞經濟嘅樂觀預期。

但實情梗係唔係咁,一旦降準,我相信依家呢篇文出街果陣, 人民幣 已經被人狂沽,沽到嘔白泡果隻,除非中國政府動用外匯儲備捍衛 人民幣 匯價,但代價一定十分之昂貴,跟住大家知乜事,其實只不過係令部分黨官可以呢幾個月用埋啲印出嚟人民幣,以及沒收政敵得番嚟嘅錢走佬,然後農曆新年前後,一係大崩潰,然後中國出現大規模內亂,或者有人挺而走險向全世界宣戰,然後全世界圍毆中國,中國變成仲衰過1900年大清帝國嘅情況,之後長期內亂,亂七八糟。總之,依家嘅結果都唔會有好事發生,至少我睇唔到有好嘢發生,對於一個研究中國多年嘅人,今日嘅結果係可以預見,亦可以阻住,但中國人果種集體失控,所以明知可以救得番嘅事,都唔會救得番,呢個亦係我一早唔相信民主中國嘅原因,呢個係對中國人本性同文化掌握嘅結果,呢個共業,唔只中共嘅問題,呢個亦係一眾大中華膠嘅集體問題。

我只能講,依家剩番嘅時間其實唔會太多,當然英國可以返嚟係最好,但英國點返嚟,好大機會係取決於侵,以及英國內部嘅混亂幾時完,畢竟依家再無邱吉爾,唔係乜嘢時代都咁好彩,會出一個好似邱吉爾咁嘅人收拾殘局。但我知道,以香港人依家嘅思想水平,死傷慘重係可以預期。

發表迴響

你的電子郵件位址並不會被公開。 必要欄位標記為 *