物流-DHL-min

與 DHL 交手嘅經驗談

過去三個月賣嘢,其實學得最多,應該係成個 Deutsche Post /DHL 集團嘅認識,雖然係同一集團,但喺德國式官僚之下, DHL 同Deutsche Post 基本上係分咗三舊好唔同嘅嘢,而唔好講喺我度買嘢,如果大家日後有機會喺德國生活,都應該知道。

DHL 同 Deutsche Post 最唔同地方

Deutsche Post 喺德國商標有三種,係 Deutsche Post 、 DHL Paket 同 DHL Express ,而三種嘢都各有各煩

先講 Deutsche Post ,即係郵局,佢報關最簡單,CN22一張貼紙搞掂,開個商業戶口十分簡單,問題係, Deutsche Post 嘅空郵服務水準好唔穩定,因為成堆中國人都係用 Deutsche Post 寄嘢返香港,再搵人香港帶嘢去中國,你知中國人報關有幾咁唔老實,你遇上中國人大批寄嘢返中國嘅時節,你就寄嘢返香港隨時唔合理咁delay,好似我日日做到氣咳就係追 Deutsche Post進度,呢個亦係我強制所有貨件用掛號寄嘅原因,果2.5歐羅掛號費唔可以慳,慳咗一啲保障都無。仲要 Deutsche Post 去香港,係喺法蘭克福機場IPZ交俾香港郵政完事(同樣,香港郵政寄德國,喺赤鱲角交俾DHL,所以啲中國人寄嘢好鍾意用香港郵政,大家知道最後乜結果),香港郵政唔夠艙位咪有時會大delay,所以細件貨件無計,要用Deutsche Post,大件啲我都 DHL Paket 。當然你嘅件唔會失蹤,因為掛號本身有保險,要賠錢,但delay有時真係多謝班中國人。

DHL Paket 派去香港last mile都係搵香港郵政,但尺碼自由好多,同埋佢要保證幾多日內到,Premium唔可以拖超過一個月,同埋保險金額重好多,但如果你無商業戶口, DHL Paket 貴到搶錢一樣。所以有商業戶口嘅客,本身有EORI果啲,可以代寄 DHL Paket 個價平過郵局,而 DHL Paket 一般唔理呢種行為,因為德國郵局都係特許經營。在德香港居民可以搵我代寄,但我會審查客戶身份。但由於 DHL Paket 係遠遠平過皇家郵政 DPD 或者 GLS (我叫佢CLS,因為服務差到問候娘親),呢個亦係 Fulton 俾我呢個德國公司可以賣到返香港嘅原因。

DHL Express 如果你無商業戶口,一樣貴到X那星級,但貴未必係問題,最大鑊問題係 DHL Express 嘅報關超X煩,無錯,你唔慣自己報關就咪用 DHL Express ,你一定想斬人九十九碌。當然,如果貴嘢,我都會建議 DHL Express 。

但可以肯定,如果我做到解決歐洲-香港嘅物流方案,應該會係一條出路,當然,要先處理一啲中國人留低嘅問題先。

發表迴響

你的電子郵件位址並不會被公開。 必要欄位標記為 *