陳凱欣-高永文-min

星期日休息: 陳凱欣 果種無恥只不過係梁粉嘅縮影

Financial Times 亞洲編輯唔獲續簽證, 陳凱欣 居然話無關新聞自由,佢係專業記者出身,佢嘅無恥令人嘆為觀止,只不過,大家諗清楚,呢個人係核心梁粉嚟,甚至比屈穎妍同潘麗瓊都要核心,至少屈穎妍同潘麗瓊未能進入政府決策核心,但 陳凱欣 係高永文嘅政治助理。其實,梁粉都係一班專業人士,專業人士墮落,係梁粉嘅縮影。

陳凱欣 只不過係墮落記者

好多泛民支持者,或中間選民認知嘅專業人士,其實都好TVB《壹號皇庭》、《妙手仁心》果種世界嘅認知,專業人士有優質生活,但又有良知,呢個係大家對專業人士嘅美好想像,呢個亦係2003年後公民黨得以走上政治舞台嘅原因。只不過,現實好多專業人士並非大家想像中咁偉大。香港好多專業人士,佢地有專業嘅知識,但專業知識並非用嚟改善人類生活,對佢地嚟講,專業只不過係搵銀同搵權嘅工具,呢個係更反映香港專業人士唔少人中嘅本質,而 陳凱欣 係典型例子,如果佢係一個咁認為新聞自由重要嘅,我相信 陳凱欣 應該係政治beat,唔係伊拉克戰爭果陣,陪黃應士一齊膠,或者平日唔出嚟跑,但好似食雞珍、陳漢儀呢啲大官出嚟就衝出嚟跑,呢個係部分所謂新聞人果種白鴿眼,只不過, 陳凱欣 做得特別核突咁解。所以物以類聚, 陳凱欣 投向梁粉集團,唔只因為佢同高永文好熟咁簡單,而係佢根本係果類專業人士,佢同潘麗瓊係同類,即係墮落記者。反而佢唔係屈穎妍果類,屈穎妍係左派學校出身,佢本來係果套政治信仰,如果以梁粉嚟講,有可能最根正苗紅正正係大家認為佢歪理連篇嘅屈穎妍,反而佢係仲有少少理想,大家認同與否另一回事,佢當年入壹週刊,好大機會係一九八九年大屠殺果種激憤,一如唔少紅二代,都係因為一九八九年大屠殺同中共一刀兩斷。薔薇騎士團,都有人中途投靠番銀河帝國都唔係怪事。

你話 陳凱欣 梁振英呢啲人有無所謂國家認同,我自己認為佢地係無,佢地只不過係一班邊度有權去邊度嘅人,我用番大家頂唔順嘅屈穎妍嚟講,屈穎妍至少曾經去中國採訪被人拉過,但你睇梁振英,1989年學生有可能贏,就聲討鄧李楊政權,一知道中共殺人派大勝就投靠殺人派,簡直係無恥到爆,其實呢個係梁粉嘅本質,你試吓中共依家倒台,或者依家香港獨立會令佢地有利,呢班友會唔會即刻轉軚。所以梁振英之亂嘅本質,係一班英治年代訓練嘅專業人士,有專業知識,但無專業道德,反而用專業知識胡作非為,推香港一條死路, 陳凱欣 可以認為政府無問題,其實一早反映,佢對所謂新聞道德、新聞自由一啲堅持都無,呢個正係 陳凱欣 以及佢啲同黨嘅本質。

人類歷史上,有無一啲空有知識嘅人渣,推向人類陷入大災難,好似赤柬,呢班友係唔係一班盲毛,英薩利係法國Science Po出嚟嘅精英,喬森潘係出身Université de Montpellier嘅教授,胡榮係巴黎大學嘅博士,我唔要求專業人士做聖人,但專業人士搞政治基本道德都唔講,就仲衰過商人治國。而香港過去呢幾年,正正面對一班知得好多嘅專業人士,扭盡六壬抽空香港,不負責任。

陳凱欣 會唔會做魔頭,我唔知,但我都幾肯定,香港已經被呢啲心術不正嘅專業人士玩得太殘,我覺得真係 enough is enough,所以我幾唔妥劉小麗都好,但唔會焦土到走去支持 陳凱欣 ,所謂焦土派,我都幾肯定呢班友只不過係另一班赤柬,香港落入佢地手都幾大件事果吓。依家香港,可能選政客入議會以最小傷害為原則,保留香港元氣直至支爆深化到一個程度,有西方國家嚟收拾殘局,或香港可以乘機離開中國統治為止,而唔係一班十分熟悉香港玩法嘅港奸,越嚟越多人進入議會,然後將香港搾乾,咁就算日後點救都唔會救得番果隻,當然,焦土派呢班友嘅本質,其實都係一班有知識專業人士玩弄專業嘅仆街,無錯,焦土派嘅祖師爺係教新聞嘅,佢不如出嚟教訓吓 陳凱欣 。

一個妖魔鬼怪橫行嘅年代,要睇清形勢,睇清個別人嘅本質,但我可以肯定係,新聞系出身嘅人可以如此背叛新聞自由追求,佢真係會為市民,除非你有自虐狂,好想懲罰市民黨執政,咁又作別論嘅。

One thought on “星期日休息: 陳凱欣 果種無恥只不過係梁粉嘅縮影

發表迴響

你的電子郵件位址並不會被公開。 必要欄位標記為 *